Bílar

Audi fækkar vélargerðum

Finnur Thorlacius skrifar
Audi Q2 jepplingurinn.
Audi Q2 jepplingurinn.

Minni sala bíla Audi í janúar upp á 3%, miðað við sama mánuð í fyrra, veldur forsvarsmönnum Audi áhyggjum og þar á bæ er fyrirhugað að fækka bæði stjórnendum og vélargerðum í Audi-bíla sem eru að sögn fyrirtækisins of margar. 

Með fækkun velargerða á að einfalda smíðina, en einnig stendur til að skera niður eitt lag af stjórnendum í fyrirtækinu og fækka þeim samtals um 10%. Þó svo að Audi hafi aukið sölu sína á stærsta bílamarkaði heims í Kína um 5,1% í janúar var sala Audi léleg í Evrópu og hefur hún hríðfallið frá því að nýja WLTP eyðsluviðmiðunin tók gildi á seinni hluta síðasta árs.

Fækkun vélargerða um 30%

Ekki liggur fyrir hvaða vélargerðir Audi fara undir hnífinn, en leiða má getum að því að stærstu, eyðslufrekustu og minnst seldu vélargerðirnar lendi í niðurskurðinum sem á að nema um 30% af núverandi vélaúrvali. Líkt og í tilfelli Audi mun BMW skera niður 8 og 12 strokka vélar fyrir næstu kynslóð BMW 7-línunnar og Benz ætlar líka að hætta framleiðslu V12 vélarinnar í S-Class. Með þessum hagræðingar­aðgerðum Audi er meiningin að spara fyrirtækinu ríflega 2.000 milljarða króna til ársins 2022.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.