Lífið

Betsson veðjar á að Hatrið muni sigra

Jakob Bjarnar skrifar
Samkvæmt nýjum stuðlum sem Betsson voru að gefa út stendur keppnin milli Hatara og Friðriks Ómars.
Samkvæmt nýjum stuðlum sem Betsson voru að gefa út stendur keppnin milli Hatara og Friðriks Ómars.

Stuðullinn á Hatrið mun sigra á Betsson er aðeins 1,6. Þetta þýðir með öðrum orðum að sérfræðingar veðmálafyrirtækisins telja líklegast að teknóhljómsveitin Hatari muni fara með sigur í Söngvakeppninni.

Til nánari útskýringar þá þýðir þetta einfaldlega það að ef þú vilt leggja þúsund krónur á að Hatari muni sigra, og það mun gerast þá færð þú 1.600 krónur til baka. Þú nærð ekki einu sinni að tvöfalda þitt pund.

Friðrik Ómar sá eini sem mun veita hatrinu viðnám

Betsson voru að gefa út stuðla sína og samkvæmt þeim er Friðrik Ómar líklegastur til að veita Hatara-piltum keppni. Hann er einnig með lágan stuðul eða 2,20. Sem áður sagði, þá þýðir þetta að ef sá sem veðjar á Friðrik Ómar og leggur þúsund krónur á það þá fær hann 2.200 krónur til í sinn hlut að keppni lokinni.

Eins og sjá má á töflunni teljast aðrir keppendur varla koma til greina. Kristina Skoubo með Mama Said er með stuðulinn 7,00. Hera Björk er talin lenda í fjórða sæti með stuðulinn 8,00 og neðst samkvæmt þessu er Tara Mobee með lagið Fighting for love eða 15. Þetta þýðir þá það að sá sem er sannfærður um að hún muni sigra og leggur þúsund krónur undir á að svo verði og Tara Mobee vinnur, þá fær sá hinn sami 15 þúsund krónur í vinning. Svo einfalt er það.

Hatari fær aukinn byr í seglin

Samkvæmt upplýsingum frá Betsson eru þeir með sérfræðinga erlendis sem kunna að lesa í keppnina og hver land um sig. Og þá njóta þeir sérfræðiaðstoðar íslenskra spekinga einnig. Svo virðist sem Betsson sé með puttann á púlsinum því eins og Vísir greindi frá í morgun hefur reglunum verið breytt þannig að í einvíginu svokallaða þá taka keppendur stigin sem þeir fá með sér þangað. Dómnefnd er svo skipuð erlendum fagmönnum.

Sé litið til þess að Hatari er með það atriði og lag sem helst sker sig úr þá hefði mátt ætla að þeir ættu undir högg að sækja í einvíginu. Ætla má að þeir sem til að mynda kjósi Heru í keppninni myndu líkast til verja sínu atkvæði á Friðrik Ómar fremur en Hatara ef þeir standa frammi fyrir því að þurfa að velja á milli þessara tveggja laga. Að óbreyttu hefði mátt ætla að Friðrik Ómar stæði betur að teknu tilliti til þess en nú þetta gefur Hatara byr undir báða vængi á lokakvöldinu sem verður 2. mars í Laugardalshöll.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.