Viðskipti erlent

Milljarðar í rafmyntum læstir inni eftir að stofnandi kauphallar lést

Tryggvi Páll Tryggvason skrifar
Bitcoin er reyndar ekki til í þessari mynd en gæti litið svona út í efnislegri mynd.
Bitcoin er reyndar ekki til í þessari mynd en gæti litið svona út í efnislegri mynd. Getty/Tom Deckett

Forsvarsmenn kauphallar sem sérhæfir sig í viðskiptum með rafmyntir hefur ekki lengur aðgang að 137 milljónum dollara virði rafmynta, tæplega 17 milljarða króna, í eigu viðskiptavina kauphallarinnar eftir að stofnandi hennar lést óvænt. Hann var sá eini sem vissi lykilorðið að rafrænni geymslu kauphallarinnar.

Þetta kemur fram í eiðsvarinni yfirlýsingu Jennifer Robertson, eiginkonu Gerry Cotten, sem lést í Indlandi í desember á síðasta ári. Cotten stofnaði kauphöllina QuadrigaCX sem hefur glímt við ýmis vandræði að undanförnu.

Megnið af þeim fjármunum sem kauphöllin geymdi fyrir um 100 þúsund viðskiptavini sína voru geymdir í rafrænni geymslu sem ekki var tengd netinu svo óprúttnir aðilar gætu ekki hakkað sér leið að verðmætunum. Geymslan var í fartölvu sem Cotten hafði umsjón með.

„Fartölvan sem Gerry notaði til að hafa umsjón með fyrirtækinu er dulkóðuð og ég þekki ekki lykilorðið né veit ég hvernig hægt er að aflétta dulkóðuninni,“ skrifaði Robertson í yfirlýsingunni. „Þrátt fyrir mikla leit hef ég ekki fundið þessar upplýsingar.“

Hefur hún ráðið sérfræðinga til þess að komast inn í tölvuna. Hafa þeir þegar brotið sér leið inn í einkareikninga Cotten en hafa enn ekki haft erindi sem erfiði við það að komast inn í fartölvuna dulkóðuðu.

Nánar má lesa um vandræði QuadrigaCX hér og hér.


Tengdar fréttir

Bitcoin notuð í Hvíta-Rússlandi

Viðskiptafólk og spákaupmenn í Hvíta-Rússlandi geta nú keypt hlutabréf, gull og erlendar myntir með bitcoin og öðrum stórum rafmyntum. Fjárfestingarfyrirtækin VP Capital og Larnabel Ventures tilkynntu þetta í gær.

Bitcoin „algjört eyðingarafl“ að mati Andra Snæs

Rafmyntir á borð við Bitcoin eru algjört eyðingarafl að mati Andra Snæs Magnasonar rithöfunds. Hann vill að orkumálastjóri beiti sér fyrir því á heimsvísu að rafmyntir verði bannaðar. Þannig sé hægt að spara gríðarlega orku.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.