Veggjöld á helstu stofnleiðum samþykkt í samgöngunefnd Heimir Már Pétursson skrifar 29. janúar 2019 12:04 Samgönguáætlun með breytingartillögum meirihlutans var samþykkt í umhverfis- og samgöngunefnd Alþingis þar sem samgönguráðherra er meðal annars gert að útfæra veggjöld vegna framkvæmda á helstu stofnleiðum í kringum höfuðborgarsvæðið. Tillögu fulltrúa Samfylkingarinnar í nefndinni um að Bergþór Ólason þingmaður Miðflokksins léti af formennsku í nefndinni var vísað á vettvang þingflokksformanna. Jón Gunnarsson þingmaður Sjálfstæðisflokksins og fyrsti varaformaður samgöngunefndar stýrði fundinum þegar samgönguáætlun var afgreidd enda er hann framsögumaður málsins í nefndinni. Bergþór Ólason þingmaður Miðflokksins og formaður nefndarinnar mætti í fyrsta sinn til fundar eftir að hann kom aftur á þing. Fulltrúar Samfylkingar og Viðreisnar ásamt áheyrnarfulltrúa Pírata gerðu athugasemdir við að hann gegndi áfram formennsku og lagði Helga Vala Helgadóttir fulltrúi Samfylkingarinnar fram tillögu um að kosinn yrði nýr formaður.Tilmæli til ráðherra að hann ráðist í gjaldheimtuna Þeirri tillögu var vísað frá og sögð eiga heima á vettvangi þingflokksformanna enda eru það þeir sem semja um skipan í nefndir þingsins og þrjú formannsembætti stjórnarandstöðunnar.Jón Gunnarrson, þingmaður Sjálfstæðisflokksins.Vísir/VilhelmJón Gunnarsson segir nefndarálit og samgönguáætlun hafa verið samþykkt með fyrirvara þriggja þingmanna. „Í því felast tilmæli til samgönguráðherra og í raun samþykki meirihluta nefndarinnar fyrir því að hefja hér framkvæmdir í samgöngumálum á grundvelli gjaldtöku. Fara þar með í mjög stórstígar framkvæmdir á næstu árum,“ segir Jón. Samgönguráðherra þurfi að fylgja málinu eftir með frumvarpi á vorþingi þar sem gjaldtakan og þau verk sem heyrðu undir þau yrðu útfærð nánar og síðan þurfi Alþingi að endurútfæra samgönguáætlun á haustþingi. Hins vegar þýðir samþykkt samgönguáætlunar í dag að Vegagerðin getur boðið út eða hafið fjölmörg verkefni sem eru á hennar áætlun á þessu ári.Fyrirhugað að nota gróðann í vegaframkvæmdir Þótt ekki liggi endanlega fyrir hvaða verkefni það eru sem fara myndu í gjaldtöku segir Jón nokkur verkefni þó augljós. Boðið væri upp á nokkrar leiðir, eins og alfjármögnun með veggjöldum og samfjármögnun með framlögum úr ríkissjóði og veggjöldum. „En fyrir liggur samt sem áður hið augljósa að þarna er alveg sérstaklega um að ræða þessar höfuðleiðir þar sem slysatíðnin er mest. Hér í kringum höfuðborgarsvæðið þar sem þörfin er í raun að fara í mjög stórstíga framkvæmdir til að bæta vegakerfið. Þetta mun fela í sér að stigin verða bæði stærri og betri skref,“ segir Jón. Þetta þýði að þar sem áður var fyrirhugað að fara í tveir plús einn veg verði farið í fulla tvöföldun og mislæg gatnamót. En þar er verið að tala um Vesturlandsveg, Suðurlandsveg austur fyrir Selfoss og Reykjanesbraut. „Síðan þarf auðvitað að meta í nýrri samgönguáætlun í haust hvað verður gert við það fjármagn sem losnar um í samgönguáætlun við þessa ákvörðun. Þar eru bæði verkefni innan höfuðborgarsvæðisins sem og mögulega annars staðar,“ sagði Jón Gunnarsson. Gengið væri út frá að verkefni í gjaldtöku verði greidd upp á um tuttugu árum eins og í Hvalfjarðargöngum og veggjöldin verði lægri en lægstu gjöld voru í Hvalfjarðargöngum. Alþingi Árborg Samgöngur Vegtollar Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira
Samgönguáætlun með breytingartillögum meirihlutans var samþykkt í umhverfis- og samgöngunefnd Alþingis þar sem samgönguráðherra er meðal annars gert að útfæra veggjöld vegna framkvæmda á helstu stofnleiðum í kringum höfuðborgarsvæðið. Tillögu fulltrúa Samfylkingarinnar í nefndinni um að Bergþór Ólason þingmaður Miðflokksins léti af formennsku í nefndinni var vísað á vettvang þingflokksformanna. Jón Gunnarsson þingmaður Sjálfstæðisflokksins og fyrsti varaformaður samgöngunefndar stýrði fundinum þegar samgönguáætlun var afgreidd enda er hann framsögumaður málsins í nefndinni. Bergþór Ólason þingmaður Miðflokksins og formaður nefndarinnar mætti í fyrsta sinn til fundar eftir að hann kom aftur á þing. Fulltrúar Samfylkingar og Viðreisnar ásamt áheyrnarfulltrúa Pírata gerðu athugasemdir við að hann gegndi áfram formennsku og lagði Helga Vala Helgadóttir fulltrúi Samfylkingarinnar fram tillögu um að kosinn yrði nýr formaður.Tilmæli til ráðherra að hann ráðist í gjaldheimtuna Þeirri tillögu var vísað frá og sögð eiga heima á vettvangi þingflokksformanna enda eru það þeir sem semja um skipan í nefndir þingsins og þrjú formannsembætti stjórnarandstöðunnar.Jón Gunnarrson, þingmaður Sjálfstæðisflokksins.Vísir/VilhelmJón Gunnarsson segir nefndarálit og samgönguáætlun hafa verið samþykkt með fyrirvara þriggja þingmanna. „Í því felast tilmæli til samgönguráðherra og í raun samþykki meirihluta nefndarinnar fyrir því að hefja hér framkvæmdir í samgöngumálum á grundvelli gjaldtöku. Fara þar með í mjög stórstígar framkvæmdir á næstu árum,“ segir Jón. Samgönguráðherra þurfi að fylgja málinu eftir með frumvarpi á vorþingi þar sem gjaldtakan og þau verk sem heyrðu undir þau yrðu útfærð nánar og síðan þurfi Alþingi að endurútfæra samgönguáætlun á haustþingi. Hins vegar þýðir samþykkt samgönguáætlunar í dag að Vegagerðin getur boðið út eða hafið fjölmörg verkefni sem eru á hennar áætlun á þessu ári.Fyrirhugað að nota gróðann í vegaframkvæmdir Þótt ekki liggi endanlega fyrir hvaða verkefni það eru sem fara myndu í gjaldtöku segir Jón nokkur verkefni þó augljós. Boðið væri upp á nokkrar leiðir, eins og alfjármögnun með veggjöldum og samfjármögnun með framlögum úr ríkissjóði og veggjöldum. „En fyrir liggur samt sem áður hið augljósa að þarna er alveg sérstaklega um að ræða þessar höfuðleiðir þar sem slysatíðnin er mest. Hér í kringum höfuðborgarsvæðið þar sem þörfin er í raun að fara í mjög stórstíga framkvæmdir til að bæta vegakerfið. Þetta mun fela í sér að stigin verða bæði stærri og betri skref,“ segir Jón. Þetta þýði að þar sem áður var fyrirhugað að fara í tveir plús einn veg verði farið í fulla tvöföldun og mislæg gatnamót. En þar er verið að tala um Vesturlandsveg, Suðurlandsveg austur fyrir Selfoss og Reykjanesbraut. „Síðan þarf auðvitað að meta í nýrri samgönguáætlun í haust hvað verður gert við það fjármagn sem losnar um í samgönguáætlun við þessa ákvörðun. Þar eru bæði verkefni innan höfuðborgarsvæðisins sem og mögulega annars staðar,“ sagði Jón Gunnarsson. Gengið væri út frá að verkefni í gjaldtöku verði greidd upp á um tuttugu árum eins og í Hvalfjarðargöngum og veggjöldin verði lægri en lægstu gjöld voru í Hvalfjarðargöngum.
Alþingi Árborg Samgöngur Vegtollar Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira