Viðskipti erlent

Keppt um stærð og upplausn

Samúel Karl Ólason skrifar
Upprúllanleg sjónvörp LG.
Upprúllanleg sjónvörp LG. AP/John Locher

Tækniráðstefnan Consumer Electronics Show eða CES 2019 er nú lokið í Las Vegas. Eins og oft áður kepptust tæknirisarnir meðal annars um það að sýna flottustu sjónvörpin. Samsung sýndi stærsta 8K sjónvarpið í boði. LG sýndi meðal annars stærðarinnar uppsetningu úr 260 sjónvörpum og tilbúna útgáfu af upprúllanlegu OLED sjónvarpi.

Samsung kynnti þó stærðarinnar 8K sjónvarp sem býr yfir gervigreind sem koma í nokkrum stærðum og er það stærsta heilar 98 tommur. Þá eiga tækin að geta hækkað upplausn sjónvarpsefnis þannig að gæðin eiga alltaf að vera 8K eða nærri því, sama með hvaða leiðum verið er að horfa á efnið.

Fyrirtækið kynnti einnig endurbætta útgáfu af Veggnum svokallaða sem kynntur var til leiks á CES í fyrra. Í fyrra var sjónvarpið 146 tommur en að þessu sinni var stærsta útgáfan 219 tommur. Tækið er í raun búið til úr mörgum einingum sem settar eru saman eftir því hvernig eigendur vilja hafa sjónvörpin sín. Þá kemur stærðin ekkert niður á myndgæðum.


Stærðarinnar 8K sjónvarp
Veggurinn. Sjónvarp sem stilla má stærðina á.

LG komu einnig sterkir til leiks og sýndu þeir meðal annars nýja útgáfu af samanbrjótanlegu OLED sjónvarpi sem fyrst var kynnt til leiks í fyrra. Sjónvarpið býður upp á 4K upplausn og rúllast saman í kassa sem fylgir því. Það er þó hægt að láta sjónvarpið stinga kollinum, ef svo má að orði komast, upp úr kassanum og nýta hluta þess.

Sjá einnig: LG slær í gegn með „náttúrubylgju“ úr sjónvörpum

Upprúllanlega sjónvarpið 65 tommur og það er óhætt að segja að það lítur skemmtilega vel út.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
2,8
8
18.571
MARL
1,56
56
1.809.084
LEQ
1,37
1
1.549
EIM
0,57
6
22.188
ARION
0,5
12
152.139

Mesta lækkun dagsins


Félag
Br.%
Fjöldi
Velta*
GRND
-2,46
7
55.714
EIK
-2,24
7
75.346
REITIR
-1,86
12
277.872
SIMINN
-1,77
8
142.210
FESTI
-1,74
5
116.070
Velkomin á Vísi. Þessi vefur notar vafrakökur. Sjá nánar.