Þættirnir The Bachelor njóta sífellt meiri vinsælda um heim allan og sérstaklega í Bandaríkjunum.

Framundan er 23. þáttaröðin af þáttunum vinsælu þar sem fjölmargar konu keppa um hjarta eins piparsveins.

Piparsveinninn heitir Colton Underwood og hefur hann heldur betur komið við sögu áður í þáttunum. Hann barðist um hjarta Beccu Kufrin í síðustu þáttaröð af The Bachelorette og var hann með síðustu mönnum sem féllu úr leik.

Í þeirri seríu kom í ljós að Colton er hreinn sveinn og opnaði hann sig um það fyrir bandarísku þjóðinni. Eftir þá þáttaröð tók Colton þátt í Bachelor in Paradise og eru margir að fylgjast með þeirri þáttaröð í dag. Þar var hann í nokkuð alvarlegu sambandi með Tia Booth en því lauk í þáttunum.

Fyrsti þátturinn af The Bachelor fór í loftið vestanhafs á sjónvarpsstöðinni ABC á dögunum en eins og margir vita er bandaríski spjallþáttastjórinn Jimmy Kimmel mikill aðdáandi þáttanna og ákvað hann því í þætti sínum að spá fyrir um það hvaða kona færi alla leið í ár. Alls mættu 30 konur í fyrsta þáttinn og þurfti Colton að skera niður um þó nokkrar.

Hér að neðan má sjá innslagið.