Hildur Yeoman í Hong Kong

Hér er ég að taka þátt í alþjóðlegu verkefni, Belt and Road, en ég var valin í það ásamt nokkrum hönnuðum frá Kína og Hong Kong, tveimur frá Panama og einum frá Tansaníu í Afríku. Fyrstu dagana vorum við í Kína en nú erum við komin til Hong Kong. Aðstandendur hátíðarinnar eru mjög hrifnir af Íslandi og þeim var bent á mig þegar þeir voru að leita að þátttakendum.“ Hildur segir að gengið hafi vel og haldin hafi verið glæsileg tískusýning með nýjustu línum hönnuðanna.

„Það sem hefur staðið upp úr fyrir mig er að okkur var boðið að heimsækja mjög flottar verksmiðjur hér úti sem framleiða fyrir mörg af mínum uppáhalds fatamerkjum. Þetta er mjög langt frá þeirri staðalímynd að framleiðsla í Kína samanstandi af barnaþrælkun og umhverfissóðaskap. Þessar verksmiðjur áttu það sameiginlegt að vera með umhverfissjónarmið í forgangi. Það hafa á undanförnum árum verið sett mjög hörð lög hér í landi hvað varðar verksmiðjur og umhverfisstaðla og það var áhugavert að kynnast þeim málefnum.“

Aðspurð hvort stefnan sé tekin á Asíumarkað svarar Hildur: „Já, við skulum vona það. Nú hefur afskekkti eyjarskegginn ég alla vega kynnst fólki sem vinnur í sama bransa í þremur mismunandi heimsálfum og fengið ansi margar tengingar bæði hvað varðar framleiðslumöguleika og sölu svo ég kem skælbrosandi heim.“