Átta sagt upp hjá Lyfju

Skipulagsbreytingar hjá Lyfju fela í sér að átta starfsmönnum hefur verið sagt upp. Tvö ný stöðugildi verða til vegna breytinganna.

Í tilkynningu frá Lyfju segir að með skipulagsbreytingum sé verið að einfölda samþætta skrifstofurekstrur Lyfjusamstæðunnar. Nýju stjórnskipulagi sé ætlað að skýra og styrkja þá stoðþjónustu sem veitt er til apóteka, verslana og heildsölu.

„Það er alltaf erfitt að taka ákvörðun og innleiða breytingar sem þessar en til lengri tíma litið þá mun það efla félögin. Við munum á næstunni kveðja gott fólk sem hefur staðið sig mjög vel í störfum fyrir samstæðuna og á sama tíma tökum við líka á móti góðu fólki sem mun styrkja stoðir okkar til uppbyggingar á samstæðunni til framtíðar,“ er haft eftir segir Sigríði Margréti Oddsdóttur, framkvæmdastjóri Lyfju í tilkynningunni.