Sandra María Jessen tryggði Bayer Leverkusen stig gegn Sand í þýsku Bundesligunni í fótbolta í dag.
Sandra var að spila sinn annan deildarleik fyrir Leverkusen eftir að hafa farið aftur út frá Þór/KA, en framherjinn spilaði fyrir Leverkusen árið 2016. Hún kom inn á af varamannabekknum og reyndist hetja leiksins.
Anne van Bonn hafði komið gestunum í Sand yfir á 52. mínútu en jöfnunarmark Söndru kom á 84. mínútu leiksins.
Leverkusen er í 9. sæti deildarinnar með 14 stig, þremur stigum frá fallsæti.
Sandra María tryggði Leverkusen jafntefli
Ástrós Ýr Eggertsdóttir skrifar

Mest lesið


„Ég á erfitt með að trúa þessu upp á hreinræktaðan Árbæing“
Íslenski boltinn







Vita ekki hvar leikmaður þeirra er
Fótbolti
