Chelsea skoraði sjö og Liverpool með þægilegan sigur

Liverpool, Chelsea og Aston Villa eru komin í 16-liða úrslit enska deildabikarsins en West Ham og Sheffield United eru úr leik.

Liverpool vann nokkuð þægilegan 0-2 sigur á MK Dons með mörkum James Milner og Ki-Jana Hoever. Á sama tíma lék Chelsea á als oddi þegar Lundúnarliðið fékk Grimsby Town í heimsókn.

Michy Batshuayi (2), Ross Barkley, Kurt Zouma, Pedro, Reece James og Callum-Hudson Odoi sáu um markaskorun í 7-1 sigri Chelsea.

West Ham fékk hins vegar svakalegan skell gegn C-deildarliði Oxford United þar sem lokatölur urðu 4-0, Oxford í vil.

Úrslit kvöldsins



Brighton 1-3 Aston Villa

Chelsea 7-1 Grimsby Town

MK Dons 0-2 Liverpool

Oxford United 4-0 West Ham

Sheffield Utd 0-1 Sunderland