Sendir Sarri tóninn: Leitar alltaf að afsökunum

Fyrrum yfirmaður knattspyrnumála hjá Juventus, Luicano Moggi, vandar Maurizio Sarri ekki kveðjurnar eftir markalaust jafntefli Juventus gegn Fiorentina á dögunum.

Sarri var ósáttur með tímasetninguna á leiknum en hann hófst snemma dags. Mikill hiti var í loftinu og varð niðurstaðan markalaust jafntefli en Fiorentina hefur ekki unnið leik á leiktíðinni.

Moggi er ekki ánægður með afsakanir Sarri og segir að hann sé statt og stöðugt að leita sér að afsökunum.

'He has the habit of always looking for excuses... he does it everywhere he goes'

Former Juventus chief Luciano Moggi claims Maurizio Sarri is 'bad for football'https://t.co/MxnA4o9aqm

— MailOnline Sport (@MailSport) September 17, 2019

„Hans vani er alltaf að leita að afsökunum. Hann gerir þetta hvar sem hann er,“ sagði Moggi við útvarpsstöðina Punto Novo.

„Þetta er vont fyrir fótboltann og Juventus er með frábært meistaralið sem getur alltaf unnið leiki en leikur þeirra mun ekki breytast.“