Kane frá fram í mars

Tottenham mun ekki geta notið krafta sóknarmannsins Harry Kane fyrr en í mars vegna meiðsla sem hann hlaut á sunnudaginn.

Kane meiddist undir lok leiks Tottenham og Manchester United á Wembley á sunnudaginn og gaf félagið það út í dag að hann hafi skaddað liðbönd í vinstri ökkla.

Í yfirlýsingu Tottenham kemur fram að Kane verði fjarverandi þar til í byrjun mars.

Það þýðir að Kane missir af 16-liða úrslitum Meistaradeildar Evrópu þar sem Tottenham mætir Dortmund, seinni undanúrslitaleik deildarbikarsins gegn Chelsea sem og tveimur stórleikjum í ensku úrvalsdeildinni gegn Chelsea og Arsenal.

Meiðsli Kane eru áfall fyrir Tottenham en hann er markahæstur í ensku úrvalsdeildinni, ásamt Mohamed Salah og Pierre-Emerick Aubameyang, með 14 mörk.

Tottenham er í þriðja sæti ensku úrvalsdeildarinnar með 48 stig, níu stigum á eftir toppliði Liverpool.

Following preliminary assessments, we can confirm that @HKane has damaged ligaments in his left ankle, sustained during Sunday's match.

He will continue to be monitored by our medical staff as he commences rehabilitation and is expected to return to training in early March. pic.twitter.com/Ot3doPa4K6

— Tottenham Hotspur (@SpursOfficial) January 15, 2019