Bosnískur landsliðsmarkvörður til ÍBV

ÍBV hefur samið við Petar Jokanovic, bosnískan landsliðsmarkvörð.

Jokanovic, sem er 28 ára, var síðast á mála hjá Red Boys Differdange í Lúxemborg.

ÍBV hefur endurnýjað samninga við nokkra leikmenn í sumar og þá er Róbert Sigurðarson genginn í raðir félagsins eftir að hafa verið á láni frá Akureyri í tvö ár.

Eyjamenn enduðu í 5. sæti Olís-deildarinnar á síðasta tímabili og slógu FH-inga út, 2-0, í 8-liða úrslitunum. ÍBV tapaði fyrir Haukum, 3-2, í undanúrslitunum.

Fyrsti leikur ÍBV í Olís-deildinni er gegn Stjörnunni á heimavelli sunnudaginn 8. september.