Heitasti fylgihluturinn á Golden Globes

Karlmennirnir á Golden Globes-hátíðinni í Los Angeles í gær létu ekki sitt eftir liggja þegar koma að því að nýta rauða dregilinn til að sýna samstöðu eins og leikkonurnar gerðu. 

Flestir skörtuðu sértilgerðri nælu með lógói Times Up samtakanna sem einn af forsprökkum samtakanna Reese Witherspoon lét búningahönnuðinn og stílistann Ariönnu Phillips hanna. Tilgangurinn samtakanna, sem yfir 300 konur í kvikmyndageiranum í Hollywood hafa stofnað, er að uppræta kynjamisrétti, áreitni og launamisrétti í geiranum svo eitthvað sé nefnt. 

Meðal þeirra sem báru næluna voru Justin Timberlake, Seth Mayers, Chris Hemsworth og Ewan McGregor.