Fjöldi leikja fór fram í NBA-deildinni í nótt þar sem Kemba Walker fór meðal annars mikinn í liði Charlotte Hornets sem skellti Boston Celtics.
Hinn 28 ára gamli Walker skoraði 60 stig um síðustu helgi en fylgdi því eftir með 43 stigum gegn Celtics. Hann setti niður 7 af 13 þriggja stiga skotum sínum í leiknum.
Hornets var mest tíu stigum undir í fjórða leikhluta en átti svo frábært áhlaup sem skilaði liðinu sigrinum. Walker skoraði þá níu stig í röð og landaði sætum sigri fyrir sína menn.
Russell Westbrook snéri aftur í liði Oklahoma City Thunder í nótt eftir meiðsli og kom auðvitað til baka með stæl. 29 stig og 13 fráköst en það dugði ekki til sigurs.
Úrslit:
Charlotte-Boston 117-112
Detroit-Cleveland 113-102
Indiana-Utah 121-94
Philadelphia-Phoenix 119-114
Atlanta-LA Clippers 119-127
Memphis-Dallas 98-88
Milwaukee-Denver 104-98
New Orleans-San Antonio 140-126
Sacramento-Oklahoma 117-113
Kemba skaut Boston í kaf
