Mourinho fær fullt traust stuðningsmanna

Jose Mourinho, stjóri Manchester United, fær fullt traust frá stuðningsmönnum félagsins en stuðningsmannafélag liðsins sendi út yfirlýsingu í dag.

3-0 tap United gegn Tottenham var stærsta tap Mourinho á heimvaelli í gegnum tíðina og þetta er versta byrjun United síðan 1992.

Í dag var greint frá því að Mourinho fengi fullt traust stjórnar félagsins og nú segir talsmaður stuðningsmannaklúbbsins að þeir muni standa við bakið á Portúgalanum.

„Hann er undir pressu en hann þarf að finna lausnir og finna út úr því hvað þarf að gera til að fá liðið á bakvið sig eins og Ferguson gerði,” sagði Sean Bones, talsmaður félagsins.

„Það eru slæmir kaflar og góðir kaflar. Þetta gæti verið slæmi kaflinn á tímabilinu og svo gætum við komist á strik. Ég sem stuðningsmaður styð liðið og styð stjórann.”