Stefnir í gott veður síðustu helgina í rjúpu Karl Lúðvíksson skrifar 19. nóvember 2018 11:41 Næsta helgi er síðasta helgin þar sem má veiða rjúpu. Helgin sem leið var heldur óhagstæð til rjúpnaveiða enda veður slæmt og af því sem við höfum heyrt voru fáir sem gengu til fjalla. Í þeim landshlutum þar sem veður var skárra eru einhverjar fréttir en samt lítur út fyrir að það hafi dregið mikið úr sókn í rjúpuna. Það sem ræður líklega miklu er að margir eru komnir með það sem þeir þurfa í jólamatinn og hafa lagt byssunni fram á næsta tímabil. Þeir sem eiga eftir að ná í einhverja fugla ætla sér líklega stóra hluti næstu helgi en spáin er eins og er afskaplega góð fyrir allt landið. Það er spáð björtu hæglætis veðri og hiti verður um frostmark. Þetta finnst mörgum vera skemmtilegustu skilyrðin til veiða en það sem á kannski eftir að vera áskorun er að finna fugl. Nú hefur snjó leyst mikið upp og í þessum hlýindum vill fuglinn oft fara ansi hátt upp og það er eins og skyttur þekkja oft ekkert auðvelt að leita að rjúpu í þessari hæð svo ég tali ekki um þegar það er að mestu snjólaust. Við vonum að sem flestum takist ætlunarverkið að ná í jólarjúpuna en fyrir þá sem ná ekki í rjúpu má líka nefna að það er nóg af annari góðri villibráð eins og önd, gæs og hreindýr en þeir sem eru vanir rjúpunni vilja nú sjaldnast nokkuð annað. Mest lesið Laxá í Ásum fór á 28 milljónir Veiði 164 laxar á einni vakt í Ytri Rangá Veiði Lax að stökkva á Breiðunni í Langá Veiði Eystri Rangá með flesta veidda laxa í vikunni Veiði 59 laxar úr Bíldsfelli Veiði Rjúpusnafsinn ómissandi hjá mörgum Veiði Hreindýrum verði stýrt á heimaslóð Veiði 19 laxa dagur í Hrútafjarðará Veiði Allar lokatölur komnar úr laxveiðiánum Veiði 100 sentímetra lax í Breiðdalsá Veiði
Helgin sem leið var heldur óhagstæð til rjúpnaveiða enda veður slæmt og af því sem við höfum heyrt voru fáir sem gengu til fjalla. Í þeim landshlutum þar sem veður var skárra eru einhverjar fréttir en samt lítur út fyrir að það hafi dregið mikið úr sókn í rjúpuna. Það sem ræður líklega miklu er að margir eru komnir með það sem þeir þurfa í jólamatinn og hafa lagt byssunni fram á næsta tímabil. Þeir sem eiga eftir að ná í einhverja fugla ætla sér líklega stóra hluti næstu helgi en spáin er eins og er afskaplega góð fyrir allt landið. Það er spáð björtu hæglætis veðri og hiti verður um frostmark. Þetta finnst mörgum vera skemmtilegustu skilyrðin til veiða en það sem á kannski eftir að vera áskorun er að finna fugl. Nú hefur snjó leyst mikið upp og í þessum hlýindum vill fuglinn oft fara ansi hátt upp og það er eins og skyttur þekkja oft ekkert auðvelt að leita að rjúpu í þessari hæð svo ég tali ekki um þegar það er að mestu snjólaust. Við vonum að sem flestum takist ætlunarverkið að ná í jólarjúpuna en fyrir þá sem ná ekki í rjúpu má líka nefna að það er nóg af annari góðri villibráð eins og önd, gæs og hreindýr en þeir sem eru vanir rjúpunni vilja nú sjaldnast nokkuð annað.
Mest lesið Laxá í Ásum fór á 28 milljónir Veiði 164 laxar á einni vakt í Ytri Rangá Veiði Lax að stökkva á Breiðunni í Langá Veiði Eystri Rangá með flesta veidda laxa í vikunni Veiði 59 laxar úr Bíldsfelli Veiði Rjúpusnafsinn ómissandi hjá mörgum Veiði Hreindýrum verði stýrt á heimaslóð Veiði 19 laxa dagur í Hrútafjarðará Veiði Allar lokatölur komnar úr laxveiðiánum Veiði 100 sentímetra lax í Breiðdalsá Veiði