Viðskipti innlent

Leiguverð hagkvæmra íbúða ekki hækkað án leyfis borgarinnar

Stefán Ó. Jónsson skrifar
Dagur B. Eggertsson kynnti áformin í Ráðhúsi Reykjavíkur í morgun.
Dagur B. Eggertsson kynnti áformin í Ráðhúsi Reykjavíkur í morgun. Skjáskot
Til stendur að byggja 525 hagkvæmar íbúðir fyrir ungt fólk í Reykjavík á komandi árum. Borgarstjóri kynnti verkefnið í morgun sem lýtur að uppbyggingu íbúða á sjö mismunandi reitum í borginni. Margvíslegar kröfur verða gerðar af hálfu Reykjavíkurborgar til félaganna sem munu reisa og reka íbúðirnar; þær þurfi að vera hagkvæmar, fólk á aldrinum 18-40 ára verður í forgangi við úthlutun íbúðanna og að leiguverð verði ekki hækkað nema með samþykki borgarinnar.

Til þess að flýta fyrir uppbyggingunni mun borgin úthluta lóðunum á föstu verði, 45 þúsund krónur á fermetrann ofanjarðar auk gatnagerðargjalda - nema annað sé sérstaklega tekið fram.

Reitirnir sem um ræðir eru eftirfarandi:

Í Úlfarsárdal - 40 íbúðir

Á Kjalarnesi - 10 íbúðir

Í Gufunesi - 164 íbúðir

Í Bryggjuhverfinu - 163 íbúðir

Við Sjómannaskólann - 40 íbúðir

Á Veðurstofureit - 50 íbúðir

Í Skerjafirði - 72 íbúðir

Skjáskot
Deiliskipulag þessara svæða er mislangt á veg komið en borgin segist leggja ríka áherslu á að framkvæmdir hefjist eins fljótt og kostur er og gangi hratt fyrir sig.

Vinna við verkefnið fór formlega af stað fyrr á þessu ári þegar Reykjavíkurborg óskaði eftir hugmyndum fyrir uppbygginguna, sem svo voru metnar út frá fjölda mælikvarða. Má þar til að mynda nefna áætlað verð, hvort ætlunin væri að selja íbúðirnar eða leigja, áætlaður framkvæmdahraði, líftími bygginganna og svo framvegis. Hlutskörpustu hugmyndirnar og hóparnir á bakvið þau voru svo kynnt í Ráðhúsi Reykjavíkur í morgun.

Dagur B. Eggertsson, borgarstjóri, kynnti jafnframt þær kröfur sem borgin mun gera til þeirra sem að uppbygginunni munu standa. Þannig verði sett skilyrði um eiginfjárhlutfall uppbyggingarhópanna, að fólk á aldrinum 18-40 verði í forgangi við úthlutun íbúðanna, kvaðir á endursölu íbúðanna til að minnsta kosti 5 til 7 ára, að boðið verði upp á langtímaleigusamninga og að leiguverð verði ekki hækkað nema að borgin gefi grænt ljós. 

Uppfært: 11:52.

Í umræðum á Facebook-vegg Eyþórs Arnalds, oddvita Sjálfstæðismanna í borginni, segir borgarstjóri að það hafi verið talið eðlilegt að leiguverðið muni þróast með vísitölu.

Upptöku af fundinum má nálgast hér að neðan.


Tengdar fréttir

Dýrustu íbúðirnar á minna en 20 milljónir

Grænmetisgarður, deilibílastæði og vatnastrætó eru meðal þess sem nýtt, óhagnaðardrifið byggingasamvinnufélag hyggst gera að veruleika í Gufunesi.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4
93
397.665
ARION
2,19
44
533.823
MAREL
2,07
33
369.711
BRIM
1,52
1
500
TM
1,25
5
121.012

Mesta lækkun dagsins


Félag
Br.%
Fjöldi
Velta*
REGINN
-1,95
4
37.600
SJOVA
-1,46
7
37.011
SYN
-1,19
5
7.966
REITIR
-1,08
12
41.281
EIK
-1,03
8
35.585
Velkomin á Vísi. Þessi vefur notar vafrakökur. Sjá nánar.