Erlent

Ellefu fórust í skjálfta á Haítí

Atli Ísleifsson skrifar
Frá höfuðborg Haítí, Port-au-Prince. Myndin tengist fréttinni ekki beint.
Frá höfuðborg Haítí, Port-au-Prince. Myndin tengist fréttinni ekki beint. Vísir/Getty
Ellefu manns hið minnsta eru látnir og á annað hundrað slasaðir eftir skjálfta á Haítí í Karíbahafi. Frá þessu greinir talsmaður stjórnar landsins.

Upptök skjálftans voru í nágrenni borgarinnar Port-de-Paix og mældist styrkur hans 5,9. Ljóst er að þetta er öflugasti skjálftinn í landinu frá árinu 2010 þegar um 300 þúsund manns fórust í hamförum.

Íbúar í bænunum Gros-Morne og Chansolme urðu sömuleiðis fyrir miklum áhrifum af skjálftanum í gær þar sem fjöldi bygginga eyðilagðist.

Íbúar í höfuðborginni Port-de-Prince urðu einnig varir við skjálftann og hefur forsetinn Jovenel Moise brýnt fyrir íbúum að halda ró sinni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.