Albert Guðmundsson í „holunni“ í liði vikunnar í hollensku deildinni

Albert Guðmundsson átti mjög góðan leik með AZ Alkmaar um helgina á móti Robin van Persie og félögum í Feyenoord í hollensku úrvalsdeildinni í fótbolta.

Albert skoraði frysta mark leiksins í 1-1 jafntefli en markið hans kom strax á 5. mínútu leiksins.

Albert spilaði í holunni í leikkerfinu 4-2-3-1 fyrir aftan framherjann Myron Boadu sem átti einmitt stoðsendinguna á íslenska landsliðsmanninn í markinu.

Frammistaðan var það góð hjá Alberti í leiknum að hann tryggði sér sæti í úrvalsliði vikunnar eða „elftal van de week“ eins og það heitir á hollensku.

Guðmundur Benediktsson, faðir Alberts, sagði stoltur frá þessu á Twitter og birti mynd af úrvalsliðinu með strákinn hans í holunni.

#Gudmundsson#AZ#AG28pic.twitter.com/gX7HlvBhOT

— Gummi Ben (@GummiBen) September 18, 2018

Albert er fremst á miðjunni fyrir aftan þá Klaas-Jan Huntelaar hjá Ajax, Kristoffer Peterson hjá Heracles Almelo og Hirving Lozano hjá PSV Eindhoven.

Albert hafði komið inn á sem varamaður í síðustu þremur leikjum og lagði upp mark í leiknum á undan sem var á móti Heracles Almelo.

Hér fyrir neðan má sjá Albert skora markið sitt um síðustu helgi en þetta var fyrsti leikur hans í byrjunarliði AZ Alkmaar.

Every

Angle

First start, first goal #AG28#azfey@snjallbertpic.twitter.com/aFzYU9z3jd

— AZ (@AZAlkmaar) September 17, 2018