Thomas og Pryor gætu spilað fyrsta landsleikinn á morgun

Craig Pedersen, landsliðsþjálfari karla í körfubolta, hefur valið 12 manna hóp sem mætir Noregi í tveimur æfingaleikjum á næstu dögum.

Tuttugu leikmenn voru kallaðir til æfinga fyrr í vikunni og hefur Pedersen nú skorið þann hóp niður í tólf leikmenn sem fara til Noregs í fyrramálið.

Landsliðið spilar tvo leiki gegn Norðmönnum, á morgun 2. september og á mánudaginn 3. september. Leikirnir eru hluti af 50 ára afmælisfögnuði norska sambandsins.

Flest stærstu nöfnin í landsliðinu síðustu ár eru ekki í þessum hópi, þeir koma til æfinga með liðinu 7. september fyrir leik í forkeppni Eurobasket um miðjan september.

Hópurinn sem fer til Noregs:

Kristján Leifur Sverrisson, Haukum

Gunnar Ólafsson, Keflavík

Ragnar Nathanaelsson, Val

Pétur Rúnar Birgisson, Tindastól

Hjálmar Stefánsson, Haukum

Danero Thomas, Tindastól

Collin Pryor, Stjörnunni

Tómas Þórður Hilmarsson, Stjörnunni

Kristinn Pálsson, Njarðvík

Ólafur Ólafsson, Grindavík

Haukur Óskarsson, Haukum.