Schmeichel fær langtímasamning hjá Leicester

Kasper Schmeichel hefur skrifað undir nýjan samning við Leicester sem gildir til ársins 2023 en félagið staðfesti þetta í kvöld.

Schmeichel, sem spilaði stórt hlutverk er Leicester varð meistari tímabilið 2015/2016, er orðinn 31 árs gamall og verður því 36 ára þegar samningurinn rennur út.

Hann hefur spilað tæplega 300 leiki fyrir Leicester frá því að hann gek í raðir liðsins frá Leeds árið 2011 eftir að hafa spilað með Man. City á sínum yngri árum.

Schmeichel spilaði afar vel með Dönum á HM í sumar en hann varði meðal annars þrjár vítaspyrnur er Danir duttu út fyrir silfurliði Króatíu í 8-liða úrslitunum.

#lcfc can confirm that goalkeeper @kschmeichel1 has signed a new contract, keeping him at King Power Stadium until June 2023! #Kasper2023 https://t.co/FJpvJxs2qC pic.twitter.com/6P75k6tLLZ

— Leicester City (@LCFC) August 31, 2018