Bakayoko á leiðinni til AC Milan

Tiemoue Bakayoko, leikmaður Chelsea, er á leiðinni á lán út tímabilið til AC Milan ef marka má fréttir frá Sky á Ítalíu.

 

Bakayoko gekk til liðs við Chelsea fyrir ári síðan eftir að hafa staðið sig vel í Meistaradeildinni tímabilið fyrir en hann átti erfitt uppdráttar með Chelsea í vetur og voru mikið af stuðningsmönnum liðsins óhressir með hann.

 

Sky á Ítalíu greinir nú frá því að Chelsea og AC Milan séu búin að komast að samkomulagi um eins árs lánsamning sem inniheldur möguleika um kaup næsta sumar fyrir um 35 milljónir punda.

 

Maurizio Sarri, nýr stjóri Chelsea, hefur ekki valið Bakayoko í leikmannahóp sinn hingað til og keypti hann t.d. Jorginho í sumar sem spilar sömu stöðu.