West Ham kaupir Lucas Perez og Leicester fær Króata

Í dag, fimmtudaginn 9.ágúst, verður lokað fyrir félagaskipti inn í enska boltann og eru nokkur ensk úrvalsdeildarlið enn að styrkja leikmannahópa sína.

West Ham hefur fest kaup á spænska sóknarmanninum Lucas Perez sem kemur til félagsins eftir fremur misheppnaða dvöl hjá Arsenal. 

Þessi 29 ára gamli framherji gerir þriggja ára samning við West Ham en hann kom til Arsenal frá Deportivo La Coruna sumarið 2016 en náði ekki að festa sig í sessi á Emirates og var lánaður aftur til Deportivo á síðustu leiktíð.

We are delighted to announce the signing of striker Lucas Perez from Arsenal! #WelcomeLucashttps://t.co/82EqdU3lYF

— West Ham United (@WestHamUtd) August 9, 2018

Króatískur miðvörður til LeicesterLeicester hefur gengið frá kaupum á króatíska miðverðinum Filip Benkovic en hann kemur til Leicester frá Dinamo Zagreb.

Benkovic þessi er 21 árs gamall og 194 sentimetrar á hæð og borgaði Leicester um 14 milljónir punda fyrir kauða.

Hann hefur leikið fyrir öll yngri landslið Króata.

Croatian defender Filip Benković has signed a five-year contract with #lcfc after the Club agreed terms with Dinamo Zagreb for his transfer #WelcomeBenković

https://t.co/PZ6ZjIOYpF pic.twitter.com/8FOqP6tgRa

— Leicester City (@LCFC) August 9, 2018