Jóhann Berg skoraði í fyrsta æfingaleiknum

Jóhann Berg Guðmundsson fær mikið lof fyrir frammistöðu sína í æfingaleik Burnley gegn Macclesfield Town. Burnley vann leikinn 2-0 og skoraði Jóhann Berg seinna mark leiksins beint úr aukaspyrnu. Fyrsta mark Burnley skoraði Aaron Lennon.

„Rétt rúmlega þremur vikum eftir að [Jóhann Berg] Guðmundsson var í byrjunarliðinu í 2-1 tapi fyrir Króatíu, vakti hann athygli fyrir stórkostlegt aukaspyrnumark og heillandi klukkustundar frammistöðu,“ segir Chris Broden í umfjöllun Burnley Express um æfingaleikinn, en þar er farið fögrum orðum um Jóhann Berg.

„Á báðum köntum vallarins var frammistaða Jóhanns jákvæð og ákveðin. Hann tengdi vel við báða bakverðina, auk Jeff Hendrick í framlínunni,“ segir í umfjölluninni.

FT here, Burnley win 2-0 with goals from Lennon and Gudmundsson, who was terrific in his first game since the World Cup

— Chris Boden (@bodenknights) July 20, 2018