Enski boltinn

Jorginho orðinn leikmaður Chelsea

Dagur Lárusson skrifar
Jorginho, nýjasti leikmaður Chelsea.
Jorginho, nýjasti leikmaður Chelsea. vísir/getty
Nú fyrr í dag staðfesti enska knattspyrnufélagið Chelsea komu Maurizio Sarri frá Napoli og nú nokkrum klukkustundum seinna er félagið búið að staðfesta komu Jorginho til félagsins.

 

Jorginho kemur einnig frá Napoli en hann spilaði undir Maurizio Sarri á síðasta tímabili.

 

Jorginho mun spila í treyju fimm hjá Chelsea en hann skrifaði undir fimm ára samning við félagið.

 

„Ég er himinlifandi að vera kominn til Chelsea. Það er alls ekki létt að verða hluti af svona stóru liði og þess vegna er ég svona ánægður. Ég er mjög spenntur fyrir því að spila svona sterkri deild og fyrir lið sem gerir allt til þess að vinna.“

 

Jorginho verður 27 ára á þessu ári en hann mun mæta ferskur til Chelsea þar sem Ítalía var ekki á HM.

 

Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið