West Ham að semja við Yarmolenko og Wilshere

Samkvæmt heimildum Sky Sports er enska úrvalsdeildarliðið West Ham að ganga frá félagaskiptum við Andriy Yarmolenko og Jack Wilshere.

Samningur Jack Wilshere við Arsenal rann út í sumar og fer hann því frítt til West Ham, en á tyrknesku meistararnir í Fenerbahce höfðu einnig sýnt mikinn áhuga á leikmanninum.

Talið er að Dortmund sé búið að samþykkja tilboð West Ham upp á 17,5 milljónir punda í Andriy Yarmolenko og hann sé á leið í læknisskoðun hjá félaginu.

Yarmolenko er 28 ára gamall kantmaður frá Úkraníu. Hann kom að 12 mörkum í 26 leikjum fyrir Dortmund á síðasta tímabili en lengst af lék hann með Dynamo Kyiv þar sem hann skoraði yfir 130 mörk.