Nainggolan genginn til liðs við Inter | Pastore til Roma

Belgíski miðjumaðurinn Radja Nainggolan er genginn til liðs við ítalska stórveldið Inter Milan en hann kemur til félagsins frá Roma, þar sem hann hefur verið lykilmaður undanfarin ár.

Kaupverðið ku vera 24 milljónir evra auk þess sem þeir Davide Santon og Nicolo Zanioli fara til Roma.

Nainggolan er 30 ára gamall og hefur leikið 30 leiki fyrir belgíska landsliðið en er hættur að gefa kost á sér þar eftir að hafa ekki verið valinn í HM hópinn hjá Roberto Martinez.

Rómverjar hafa þegar gengið frá kaupum á leikmanni sem er ætlað að fylla skarð Nainggolan á miðsvæðinu því argentínski miðjumaðurinn Javier Pastore var tilkynntur sem nýr leikmaður Roma í morgun en hann kemur frá PSG fyrir 18 milljónir evra.

Nainggolan salutes the fans after signing Inter contract. pic.twitter.com/1UoKsDaCVr

— FedeNerazzurra (@_FedeNerazzurra) June 25, 2018