Fellaini framlengir við United

Marouane Fellaini, miðjumaður Belga, hefur skrifað undir nýjan tveggja ára samning við Manchester United.

Framtíð Fellaini hefur verið í mikilli óvissu en samningur hans við félagið átti að renna út á morgun. Nú er hins vegar klárt að hann verður á Old Trafford í tvö ár í viðbót.

Samningahiðræður voru sagðar ganga illa en Jose Mourinho, stjóri Manchester United, var sagður hafa mikinn áhuga á að framlengja við Fellaini.

Fellaini hefur skorað tuttugu mörk í 156 leikjum fyrir United síðan hann gekk í raðir United frá Everton sumarið 2013. United borgaði 27 milljónir punda fyrir hann.

Á dögunum sagði Fellaini að hann myndi segja frá því hvar hann spilaði á næstu leiktíð þann fyrsta júlí en nú er það hins vegar orðið klárt.

Marouane Fellaini has signed a new #MUFC contract which runs until June 2020, with the option to extend for a further year.

Full details: https://t.co/aC01F3JIDs pic.twitter.com/oFvKHSPxyw

— Manchester United (@ManUtd) June 29, 2018