Chelsea með augastað á Butland

Chelsea hefur augastað á markverði Stoke og enska landsliðsins, Jack Butland, ef marka má fréttir frá miðlinum Daily Mail.

 

Jack Butland stóð í marki Stoke á nýliðnu tímabili og féll með liðinu í lok tímabilsins. Daily Mail greinir nú frá því að Butland vilji spila í ensku úrvalsdeildinni og að Chelsea sé líklegur áfangastaður fyrir hann.

 

Miklar vangaveltur hafa verið í kringum framtíð Thibaut Courtois hjá Chelsea og hefur hann mikið verið orðaður við för frá félaginu í sumar og því er talið að Butland verði arftaki hans sem aðalmarkvörður Chelsea.

 

Chelsea hefur einnig verið orðað við brasilíska markvörðinn Alisson frá Roma en þau félagsskipti eru þó talin ólíkleg þar sem Alisson vill heldur fara til Real Madrid.