Fred á leið í læknisskoðun hjá United

Brasilíski landsliðsmaðurinn og leikmaður Shaktar Donetsk, Fred, er sagður vera á leið í læknisskoðun hjá Manchester United samkvæmt Sky.

 

Fred hefur verið eftirsóttur í sumar en lið á borð við Manchester United og Manchester City hafa bæði verið á eftir honum en nú virðist sem svo að þeir rauðklæddu í Manchesterborg hafi unnið bardagann.

 

Manchester United á að hafa boðið 43 milljónir punda í leikmaninn sem Shakhtar á að hafa samþykkt.

 

Sky telur að Fred muni ganga undir læknisskoðun á morgun og að lokum ljúka félagsskiptum sínum til United áður en hann heldur til Rússlands með Brasilíu.