„Þetta var nú ekki erfið ákvörðun“

Stuðningsmenn Huddersfield Town fögnuðu vel þegar liðið hélt sér í ensku úrvalsdeildinni á dögunum og ekki mikið minna eftir fréttir dagsins. Knattspyrnustjórinn David Wagner hefur framlengt samning sinn um þrjú ár.

Huddersfield Town endaði í 16. sæti í ensku úrvalsdeildinni í vetur á sínu fyrsta tímabili í langan tíma meðal þeirra bestu en liðið gylltryggði sæti sitt með því að sækja stig á Stamford Bridge.

„Það var nú ekki erfið ákvörðun að framlengja samninginn minn,“ sagði David Wagner í viðtali við BBC.

„Sambandið sem við Christoph og Andy eigum við stjórnaformanninn Dean Hoyle, restina af stjórninni, starfsmenn félagsins og stuðningsmennina er mjög sérstakt,“ sagði Wagner.



 

Wagner in!

Huddersfield Town boss David Wagner has signed a new deal with the Terriers. 

Full story: https://t.co/wLiKBDJPZCpic.twitter.com/SmXbbXN10x

— BBC Sport (@BBCSport) May 30, 2018

„Við höfum afrekað ótrúlega hluti saman í þessi tvö og hálft ár og ég er mjög spenntur fyrir framtíðinni,“ sagði Wagner.

„Við eigum enn mikið verk fyrir höndum að aðlaga félagið okkar að ensku úrvalsdeildinni. Félagið og fólkið innan þess hefur metnaðinn, ástríðuna og hugarfarið til að takast á við það verkefni,“ sagði Wagner.



Wagner settist í stjórastólinn á John Smith leikvanginum í nóvember 2015. Tólf mánuðum síðar var liðið komið upp í úrvalsdeildina.  Hann hefur gert magnaða hluti með takmarkaðan leikmannahóp.

Wagner er ekki eini Þjóðverjinn í mikilvægari stöðu hjá félaginu því fyrr í þessum mánuði tók Olaf Rebbe við sem íþróttastjóri. Þjóðverjarnir fá því það verkefni í sumar og styrkja liðið fyrir tímabil númer tvö sem er alltaf skeinuhætt.