Glamour

Íslenskir sundbolir og saltskrúbbur sameinast í fallegri sýningu

Ritstjórn skrifar
Erna Bergmann, Íris Ósk Laxdal, Arnbjörg Kristín, Elísabet og Íris Dögg Einarsdóttir að lokinni sýningu.
Erna Bergmann, Íris Ósk Laxdal, Arnbjörg Kristín, Elísabet og Íris Dögg Einarsdóttir að lokinni sýningu. Mynd:Berglaug

Íslenska sundbolamerkið Swimslow hélt sýningu í samstarfi við húðvörumerkið Angan Skincare á HönnunarMars. Sýningin fór fram í Natura Spa þar sem sundbolirnir fengu að njóta sín í viðeigandi umhverfi. 

Sýningin var upplifunargjörningar þar sem áhorfendum gafst kostur á að kynnast vörumerkjunum báðum í athöfn sem veitti allt í senn slökun og núvitund. Saman deila Swimslow og Angan Skincare sýn á að miðla arfleið baðmenningu Íslendinga en í gegnum aldirnar hafa Íslendingar baðað sig í jarðhitalaugun og hafið og náttúran ávallt spilað stóra þátt í menningu okkar. Íris Ósk Laxdal er stofnandi og hönnuður Angan Skincare og Erna Bergmann stofnandi og hönnuður Swimslow en bæði vörumerkin eiga það sameiginlegt að vera sjálfbær. 

Arnbjörg Kristín Konráðsdóttir lék á gong, en förðun og hár var í höndunum á Reykjavík Make Up School með vörum frá MAC og Bryndísi Helgadóttur með vörum frá Davines. 

Neðst í fréttinni má sjá albúm með myndum frá viðburðinum sem Berglaug ljósmyndari tók. Við látum líka fylgja myndir frá myndatöku með Írisi Dögg Einarsdóttur ljósmyndara sem teknar voru á Vestfjörðum með fyrirsætunni Matthildi Matthíasdóttur. 

Mynd: Íris Dögg Einarsdóttir
Mynd: Íris Dögg Einarsdóttir
Mynd: Íris Dögg Einarsdóttir


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.