Viðskipti erlent

Dow Jones aftur niður um meira en þúsund stig

Hulda Hólmkelsdóttir skrifar
Rétt fyrir lokun markaða í Kauphöllinni í New York í dag.
Rétt fyrir lokun markaða í Kauphöllinni í New York í dag. Vísir/Getty
Hlutabréfavísitalan Dow Jones féll í dag um rúmlega 1.000 stig, eða 4,15 prósent. Er þetta í annað skiptið á fjórum dögum sem vísitalan lækkar um meira en þúsund stig.

S&P 500 vísitalan lækkaði einnigí dag um 100,58 stig eða 3,75 prósent. Þá lækkaði Nasdaq vísitalan um 3,9 prósent eða 274,8 stig.

Í frétt á vef BBC  segir að lækkanir hafi verið á mörkuðum víða um Evrópu í dag líkt og vestanhafs. Þannig hafi breska FTSE 100 vísitalan lækkað um 106,73 stig, eða 1,49 prósent.

Dow Jones lækkaði á mánudaginn um 1.175 stig eða 4,6 prósent og var það mesta lækkun vísitölunnar á einum degi síðan í fjármálahruninu 2008.

Hlutabréfaverð í Bandaríkjunum hefur verið að hækka almennt síðustu mánuði og hækkaði Dow Jones um meira en 25 prósent á síðast ári. Raunar var óvenjulítið um óróleika á hlutabréfamarkaði árið 2017.

Í frétt BBC segir að menn óttist að sterk staða alþjóðahagkerfisins muni ýta undir verðbólgu og auka vexti.


Tengdar fréttir

Ekki ástæða til að hafa miklar áhyggjur

Miklar sveiflur voru á mörkuðum víða um heim í dag eftir sögulegar lækkanir í Bandaríkjunum í gær. Ótti er um vaxandi verðbólgu á heimsvísu en dósent í hagfræði telur að Íslendingar þurfi ekki að hafa miklar áhyggjur af stöðunni.

Mesta lækkun Dow Jones síðan 2008

Bandaríska hlutabréfavísitalan Dow Jones lækkaði í dag um 1175 stig eða 4,6 prósent. Þetta er mesta lækkun vísitölunnar á einum degi síðan í september árið 2008.



Mest lesið


Fleiri fréttir

Sjá meira


×

Mest lesið