Ólafía Þórunn Kristinsdóttir lék í dag annan hringinn á Opna bandaríska mótinu í golfi sem fram fer á Shoal Creek golfvellinum í Alabama. Ólafía náði sér ekki almennilega á strik og kom inn á 5 höggum yfir pari og er líklega úr leik að þessu sinni.
Ólafía hóf leik á 1. teig í morgun og lék sínar fyrri níu holur á tveimur höggum yfir pari eftir þrjá skolla og einn fugl. Á seinni níu var hún svo í góðri stöðu þegar tvær holur voru eftir af hringnum, þá á 3 höggum yfir pari og við niðurskurðarlínuna.
Slæmur endasprettur, þar sem Ólafía fékk skolla á 17. og 18. holu, urðu Ólafíu svo líklega að falli en hún endaði þar með á 5 höggum yfir pari og er þessa stundina tveimur höggum frá öruggu sæti um helgina.
Niðurskurðurinn miðast núna við þá kylfinga sem eru á 3 höggum yfir pari og gæti það eitthvað breyst með deginum. Vonandi fyrir Ólafíu mun niðurskurðurinn hækka um tvö högg en það verður að teljast frekar ólíklegt.
Hér má fylgjast með stöðunni í mótinu.
Ólafía líklega úr leik á Opna bandaríska
