Hrakfarirnar halda áfram hjá Inter

Inter Milan er einungis með einn sigur í fyrstu fjórum leikjunum í ítalska boltanum en liðið hefur farið afar illa af stað.

Liðið safnaði góðu liði fyrir tímabilið og var vonast til að liðið myndi taka næsta skref á tímabilinu og mögulega berjast um ítalska titilinn.

Það hefur ekki byrjað vel og ekki skánaði ástandið í dag er liðið tapaði 1-0 fyrir Parma á heimavelli. Mark Parma skoraði Federico Dimarco á 79. mínútu.

Inter er einungis með fjögur stig eftir fyrstu fjóra leikina en gamla stórveldið, Parma, er einnig með fjögur stig eftir fyrstu fjóra leikina.