Ragnhildur best í Einvíginu á Nesinu

Ragnhildur Sigurðardóttir stóð uppi sem sigurvegari í Einvíginu á Nesinu þar sem tíu öflugir kylfingar öttu kappi á Golfvelli Ness.

Mótið er góðgerðamót þar sem tíu leikmenn eru við keppni en einn dettur út á hverri holu. Á endanum stendur einn uppi sem sigurvegari og þetta árið var það Ragnhildur Sigurðardóttir.

Í öðru sæti var Alfreð Brynjar Kristinsson úr GKG en lokaholan var æsispennandi. Að endingu hafði Ragnhildur betur og fagnaði sigrinum.

Mótið er góðgerðamót eins og áður segir en í lok dags var Barnaspítala Hringsins afhent 500 þúsund króna ávísun frá Nesklúbbnum. Vel gert það.

Hér að neðan má sjá heildarlistann.

Úrslitin í heild sinni:

1. sæti - Ragnhildur Sigurðardóttir, GR

2. sæti - Alfreð Brynjar Kristinsson, GKG

3. sæti - Rúnar Arnórsson, GK

4. sæti - Björn Óskar Guðjónsson, GM

5. sæti - Ólafur Björn Loftsson, NK

6. sæti - Dagbjartur Sigurbrandsson, GR

7. sæti - Kristján Þór Einarsson, GM

8. sæti - Guðmundur Rúnar Hallgrímsson, GS

9. sæti - Ragnhildur Kristinsdóttir, GR

10. sæti - Björgvin Sigurbergsson, GK