Föstudagsplaylisti Prince Fendi

Trap-pop þríeykið Geisha Cartel hefur gefið út hvern smellinn á fætur undanfarið ár og vakið töluverða athygli fyrir, en snemma í sumar kom svo þeirra fyrsta plata út, Illa Meint.



Prince Fendi, listamannsnafn hins 21 árs gamla Jóns Múla, er einn hluti áðurnefnds þríeykis. Hann hefur samhliða Geisha Cartel gefið út töluvert af sólóefni á Soundcloud síðu sinni.



Fyrir viku síðan kom út lagið Ekkert Cap sem hann flytur ásamt Yung Nigo Drippin.  Von er á plötu með rappprinsinum á hrekkjavöku, 31. október.



Lagalistinn fer um víðan völl, frá framúrstefnupoppi til brakandi ferskrar trap-tónlistar með örstuttri viðkomu í skynvillu- og ógeðisrokki.