Akureyri dæmdur sigur gegn Stjörnunni

Forskot Akureyrar á toppi Grill 66 deildarinnar í handbolta er komið í þrjú stig þrátt fyrir að Akureyringar hafi ekki þurft að skora eitt einasta mark í dag.

Leikur Akureyrar og Stjörnunnar var flautaður á og strax aftur af þar sem Garðbæingar mættu ekki til leiks og var Akureyri dæmdur 10-0 sigur.

„Stjarnan U tók ákvörðun um að mæta ekki til leiks þrátt fyrir að leiknum hafi frestað í samráði við Garðbæinga. Gripið var til ýmissa ráðstafana til að leikurinn gæti farið fram en allt kom fyrir ekki. Akureyri er dæmdur sigur og heldur sigurgangan því áfram,“ segir í færslu á Facebook síðu Akureyrar.

Akureyri er í harðri baráttu við félaga sína af Norðurlandi, KA, um að fara beint upp í deild þeirra bestu á næsta tímabili.