Loftus-Cheek afgreiddi Bate með þrennu en jafntefli hjá Arnóri

Chelsea lenti í engum vandræðum með Bate Borisov á heimavelli í Evrópudeildinni í kvöld en enska stórliðið vann öruggan 3-1 sigur.

Staðan var 2-0 fyrir Chelsea eftir átta mínútur. Ruben Loftus-Cheek kom Chelsea yfir á annarri mínútu og hann skoraði einnig annað mark Chelsea.

Loftus-Cheek var ekki hættur því hann fullkomnaði þrennuna á 54. mínútu en Aleksey Rios minnkaði muninn fyrir gestina áður en yfir lauk.

Chelsea er með níu stig eftir fyrstu þrjá leikina en Bate, PAOK og Vidi eru með þrjú sig í öðru til fjórða sæti riðilsins.

Arnór Ingvi Traustason spilaði allan leikinn er Malmö gerði 1-1 jafntefli við Sarpsborg í I-riðlinum. Sarpsborg jafnaði metin er þrjár mínútur voru eftir.

Malmö er með fjögur stig í þriðja sætinu en Sarpsborg er í öðru sætinu á betri markatöl. Genk er á toppnum með sex stig en Besiktas á botninum með þrjú.

Jón Guðni Fjóluson var ónotaður varamaður er Krasnodar tapaði 2-1 fyrir Standard Liege á útivelli. Krasnodar, Sevilla og Standard eru með sex stig í riðlinum en Akhisarspor á botninum án stiga.

Úrslit síðari leikja dagsins:

G-riðill:

Rangers - Spartak Moskva 0-0

Villareal - Rapid Wien 5-0

H-riðill:

Eintracht Frankfurt - Apollon Limassol 2-0

Marseille - Lazio 1-3

I-riðill:

Besiktas - Genk 2-4

Sarpsborg - Malmö 1-1

J-riðill:

Sevilla - Akhisarspor 6-0

Standard Liege - Krasnodar 2-1

K-riðill:

Jablonec - Astana 1-1

Rennes - Dynamo Kyiv 1-2

L-riðill:

Chelsea - Bate 3-1

PAOK - Vidi 0-2