Svo gæti farið að framtíð Akureyrar handboltafélags myndi ráðast á fundi ÍBA, Íþróttabandalags Akureyrar í dag.
Stjórn handknattleiksdeildar KA hefur óskað eftir því að slíta samstarfinu við Þór í handbolta karla sem hefur verið síðan 2006.
Eins og fram kom á Vísi í gær er það vilji Þórs að halda samstarfinu áfram.
Stjórn ÍBA átti að koma saman í hádeginu en samkvæmt heimildum Vísis var fundinum flýtt til klukkan 10:00. Á þeim fundi ræðst það væntanlega hvort samstarfi KA og Þórs verði haldið áfram.
Fresturinn til að skrá lið til keppni á Íslandsmótinu rennur út mánudaginn 15. maí næstkomandi.
Framtíð samstarfs KA og Þórs ræðst á fundi ÍBA
Tengdar fréttir
Þór vill halda samstarfinu við KA áfram
Ekki liggur ljóst fyrir hvort samstarf KA og Þórs í handbolta karla verði haldið áfram.
Akureyrarliðið ekki enn búið að skrá sig til leiks og HSÍ framlengdi frestinn
Mikil óvissa er uppi um hvort að Akureyrarliðin KA og Þór haldi áfram samstarfi sínu í handboltanum næsta vetur og þessi óvissa hefur haft þau áhrif að Handknattleiksamband Íslands hefur framlengt frestinn til að skrá sig til keppni á Íslandsmótinu 2017-18.
