Umfjöllun og viðtöl: Afturelding - ÍBV 29-34 | Frábær endasprettur Eyjamanna Ingvi Þór Sæmundsson í N1-höllinni í Mosfellsbæ skrifar 2. febrúar 2017 21:30 Kári Kristján Kristjánsson var frábær á lokasprettinum. vísir/vilhelm ÍBV vann góðan útisigur á Aftureldingu, 29-34, þegar liðin mættust í 17. umferð Olís-deildar karla í kvöld. Róbert Aron Hostert lék sinn fyrsta leik fyrir ÍBV í langan tíma og skilaði 10 mörkum. Frábær leikur hjá Róberti og mikilvægt fyrir ÍBV að hafa endurheimt hann. Eyjamenn spiluðu undir getu fyrir áramót en með alla heila er þetta lið stórhættulegt eins og það sýndi í kvöld. Mosfellingar byrjuðu leikinn ívið betur og Árni Bragi Eyjólfsson kom þeim tveimur mörkum yfir, 5-3, þegar sex mínútur voru liðnar. Kristófer Guðmundsson byrjaði ágætlega í marki Aftureldingar en það fjaraði undan honum eftir því sem á fyrri hálfleikinn leið og Davíð Svansson náði sér heldur ekki á strik. Markverðir ÍBV voru líka ískaldir og vörðu bara þrjá bolta í fyrri hálfleik. Róbert var ryðgaður í byrjun en eftir að hann komst betur í takt við leikinn snarbatnaði sóknarleikur ÍBV. Eyjavörnin þéttist líka og gestirnir náðu góðu 7-3 áhlaupi. ÍBV fékk tækifæri til að fara með fjögurra marka forskot til búningsherbergja en skot Sigurbergs Sveinssonar fór í hliðarnetið. Davíð var fljótur að hugsa og grýtti boltanum fram á Árna Braga sem minnkaði muninn í 15-17. Þetta var hans sjöunda mark úr jafnmörgum skotum í fyrri hálfleik. Hann endaði með 10 mörk og var markahæstur í liði Aftureldingar. Heimamenn breyttu um vörn í hálfleik og það svínvirkaði. Mosfellingar náðu góðum tökum á leiknum og léku á tímabili á alls oddi í sókninni. Afturelding náði mest þriggja marka forystu og þegar 12 mínútur voru eftir var staðan 25-22, heimamönnum í vil. Þá kviknaði á gestunum og þeirra lykilmenn stigu upp. Kári Kristján Kristjánsson var frábær á lokakaflanum og skoraði þá fjögur af sex mörkum sínum. Róbert var einnig öflugur og bjó oftsinnis til mörk upp úr engu. Kolbeinn Aron Arnarsson tók líka mikilvæga bolta í markinu og Eyjamenn sigu framúr. Mosfellingum tókst ekki að stöðva áhlaupið og gestirnir unnu á endanum fimm marka sigur, 29-34. Lokatölurnar gefa ekki rétta mynd af leiknum en Eyjamönnum er eflaust slétt sama. Þeir sýndu styrk á lokakaflanum og unnu síðustu 12 mínútur leiksins 12-4.Einar Andri: Misstum agann Einar Andri Einarsson, þjálfari Aftureldingar, var að vonum niðurlútur eftir fimm marka tap hans manna fyrir ÍBV í kvöld. „Við vorum komnir í góða stöðu í seinni hálfleik. Við spiluðum frábærlega fyrstu 20 mínútur seinni hálfleiks, þéttum vörnina og spiluðum mjög vel og skynsamlega og vorum með stjórn á leiknum sem við misstum undir lokin,“ sagði Einar Andri. Hans menn voru í góðri stöðu en klúðruðu málunum á lokasprettinum. Hvað olli? „Hann [Kolbeinn Aron Arnarson] varði þrjú dauðafæri og það munaði mikið um það. Við spiluðum okkur í góð færi en misstum agann undir lokin,“ sagði Einar Andri sem var ánægður með margt í leik Aftureldingar. „Við spiluðum góðan sóknarleik í fyrri hálfelik en vörnin var léleg sem og markvarslan allan leikinn. ÍBV er með frábært lið. Nú sjáum við bara hvernig staðan er, nýtt mót er byrjað og við þurfum að halda áfram að vinna,“ sagði Einar Andri. Hann kvaðst ánægður með frammistöðu Ernis Hrafn Arnarsonar sem spilaði í kvöld sinn fyrsta leik fyrir Aftureldingu í um 10 ár. „Hann spilaði frábærlega og á bara eftir að verða betri. Hann var að spila fyrsta handboltaleikinn sinn síðan í apríl og hefur æft frá því um miðjan desember,“ sagði Einar Andri að lokum.Arnar: Vorum alltof spenntir og æstir „Ég er alveg gríðarlega sáttur og stoltur af strákunum því við töpuðum kollinum í byrjun seinni hálfleiks. Fyrstu 10-15 mínúturnar voru alls ekki góðar, við vorum alltof spenntir og æstir. En við lentum aftur og kláruðum þetta eins og menn,“ sagði Arnar Pétursson, þjálfari ÍBV, eftir sigurinn góða á Aftureldingu í kvöld. Eyjamenn voru þremur mörkum undir, 25-22, þegar 12 mínútur voru eftir. En þeir tóku sig taki og unnu lokakaflann 12-4. Ótrúlegur viðsnúningur. „Við reyndum bara að róa okkur. Robbi [Róbert Aron Hostert] er að koma aftur eftir langt hlé og var orðinn svolítið æstur. En það lagaðist hjá honum og öðrum leikmönnum,“ sagði Arnar sem segir það gríðarlega mikilvægt að hafa endurheimt Róbert sem hefur verið meiddur nær allt tímabilið. „Það vita allir að hann er frábær handboltamaður og fyrir okkur er þetta mikill styrkur. En það eru líka aðrir sem stigu upp og það skiptir líka máli.“ Eyjamenn voru ekki upp á sitt besta fyrir áramót og sátu í 6. sæti þegar Olís-deildin fór í frí. En eru þeir komnir á beinu brautina? „Ég er búinn að vera leiðinlegur í þessum viðtölum og fer alltaf í klisjuna: við tökum einn leik fyrir í einu. Við unnum góðan sigur í kvöld og svo reynum við bara að bæta ofan á það. Svo sjáum við bara til. Þetta er rosalega jöfn deild,“ sagði Arnar að endingu. Olís-deild karla Mest lesið Salah eftir rifrildið við Klopp: „Ef ég tala mun allt loga“ Enski boltinn Antonio eyðilagði endurkomu Rauða hersins Enski boltinn Hvetja fólk til að sækja um vegabréfsáritun núna: „Gæti orðið hörmung“ Fótbolti Enn ein vonbrigðin fyrir United Enski boltinn Arnór stökk til: „Hugsaði að við hefðum engu að tapa“ Handbolti „Auðvitað voru þetta ekki gleðifréttir“ Íslenski boltinn Klopp og Salah rifust á hliðarlínunni Enski boltinn Uppgjörið og viðtöl: Þróttur R. - Valur 1-2 | Amanda heldur áfram að skora Íslenski boltinn Biðst afsökunar á að hafa rætt við West Ham Enski boltinn Stólpagrín gert að Terry vegna stjörnustæla hans Enski boltinn Fleiri fréttir Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu Sjá meira
ÍBV vann góðan útisigur á Aftureldingu, 29-34, þegar liðin mættust í 17. umferð Olís-deildar karla í kvöld. Róbert Aron Hostert lék sinn fyrsta leik fyrir ÍBV í langan tíma og skilaði 10 mörkum. Frábær leikur hjá Róberti og mikilvægt fyrir ÍBV að hafa endurheimt hann. Eyjamenn spiluðu undir getu fyrir áramót en með alla heila er þetta lið stórhættulegt eins og það sýndi í kvöld. Mosfellingar byrjuðu leikinn ívið betur og Árni Bragi Eyjólfsson kom þeim tveimur mörkum yfir, 5-3, þegar sex mínútur voru liðnar. Kristófer Guðmundsson byrjaði ágætlega í marki Aftureldingar en það fjaraði undan honum eftir því sem á fyrri hálfleikinn leið og Davíð Svansson náði sér heldur ekki á strik. Markverðir ÍBV voru líka ískaldir og vörðu bara þrjá bolta í fyrri hálfleik. Róbert var ryðgaður í byrjun en eftir að hann komst betur í takt við leikinn snarbatnaði sóknarleikur ÍBV. Eyjavörnin þéttist líka og gestirnir náðu góðu 7-3 áhlaupi. ÍBV fékk tækifæri til að fara með fjögurra marka forskot til búningsherbergja en skot Sigurbergs Sveinssonar fór í hliðarnetið. Davíð var fljótur að hugsa og grýtti boltanum fram á Árna Braga sem minnkaði muninn í 15-17. Þetta var hans sjöunda mark úr jafnmörgum skotum í fyrri hálfleik. Hann endaði með 10 mörk og var markahæstur í liði Aftureldingar. Heimamenn breyttu um vörn í hálfleik og það svínvirkaði. Mosfellingar náðu góðum tökum á leiknum og léku á tímabili á alls oddi í sókninni. Afturelding náði mest þriggja marka forystu og þegar 12 mínútur voru eftir var staðan 25-22, heimamönnum í vil. Þá kviknaði á gestunum og þeirra lykilmenn stigu upp. Kári Kristján Kristjánsson var frábær á lokakaflanum og skoraði þá fjögur af sex mörkum sínum. Róbert var einnig öflugur og bjó oftsinnis til mörk upp úr engu. Kolbeinn Aron Arnarsson tók líka mikilvæga bolta í markinu og Eyjamenn sigu framúr. Mosfellingum tókst ekki að stöðva áhlaupið og gestirnir unnu á endanum fimm marka sigur, 29-34. Lokatölurnar gefa ekki rétta mynd af leiknum en Eyjamönnum er eflaust slétt sama. Þeir sýndu styrk á lokakaflanum og unnu síðustu 12 mínútur leiksins 12-4.Einar Andri: Misstum agann Einar Andri Einarsson, þjálfari Aftureldingar, var að vonum niðurlútur eftir fimm marka tap hans manna fyrir ÍBV í kvöld. „Við vorum komnir í góða stöðu í seinni hálfleik. Við spiluðum frábærlega fyrstu 20 mínútur seinni hálfleiks, þéttum vörnina og spiluðum mjög vel og skynsamlega og vorum með stjórn á leiknum sem við misstum undir lokin,“ sagði Einar Andri. Hans menn voru í góðri stöðu en klúðruðu málunum á lokasprettinum. Hvað olli? „Hann [Kolbeinn Aron Arnarson] varði þrjú dauðafæri og það munaði mikið um það. Við spiluðum okkur í góð færi en misstum agann undir lokin,“ sagði Einar Andri sem var ánægður með margt í leik Aftureldingar. „Við spiluðum góðan sóknarleik í fyrri hálfelik en vörnin var léleg sem og markvarslan allan leikinn. ÍBV er með frábært lið. Nú sjáum við bara hvernig staðan er, nýtt mót er byrjað og við þurfum að halda áfram að vinna,“ sagði Einar Andri. Hann kvaðst ánægður með frammistöðu Ernis Hrafn Arnarsonar sem spilaði í kvöld sinn fyrsta leik fyrir Aftureldingu í um 10 ár. „Hann spilaði frábærlega og á bara eftir að verða betri. Hann var að spila fyrsta handboltaleikinn sinn síðan í apríl og hefur æft frá því um miðjan desember,“ sagði Einar Andri að lokum.Arnar: Vorum alltof spenntir og æstir „Ég er alveg gríðarlega sáttur og stoltur af strákunum því við töpuðum kollinum í byrjun seinni hálfleiks. Fyrstu 10-15 mínúturnar voru alls ekki góðar, við vorum alltof spenntir og æstir. En við lentum aftur og kláruðum þetta eins og menn,“ sagði Arnar Pétursson, þjálfari ÍBV, eftir sigurinn góða á Aftureldingu í kvöld. Eyjamenn voru þremur mörkum undir, 25-22, þegar 12 mínútur voru eftir. En þeir tóku sig taki og unnu lokakaflann 12-4. Ótrúlegur viðsnúningur. „Við reyndum bara að róa okkur. Robbi [Róbert Aron Hostert] er að koma aftur eftir langt hlé og var orðinn svolítið æstur. En það lagaðist hjá honum og öðrum leikmönnum,“ sagði Arnar sem segir það gríðarlega mikilvægt að hafa endurheimt Róbert sem hefur verið meiddur nær allt tímabilið. „Það vita allir að hann er frábær handboltamaður og fyrir okkur er þetta mikill styrkur. En það eru líka aðrir sem stigu upp og það skiptir líka máli.“ Eyjamenn voru ekki upp á sitt besta fyrir áramót og sátu í 6. sæti þegar Olís-deildin fór í frí. En eru þeir komnir á beinu brautina? „Ég er búinn að vera leiðinlegur í þessum viðtölum og fer alltaf í klisjuna: við tökum einn leik fyrir í einu. Við unnum góðan sigur í kvöld og svo reynum við bara að bæta ofan á það. Svo sjáum við bara til. Þetta er rosalega jöfn deild,“ sagði Arnar að endingu.
Olís-deild karla Mest lesið Salah eftir rifrildið við Klopp: „Ef ég tala mun allt loga“ Enski boltinn Antonio eyðilagði endurkomu Rauða hersins Enski boltinn Hvetja fólk til að sækja um vegabréfsáritun núna: „Gæti orðið hörmung“ Fótbolti Enn ein vonbrigðin fyrir United Enski boltinn Arnór stökk til: „Hugsaði að við hefðum engu að tapa“ Handbolti „Auðvitað voru þetta ekki gleðifréttir“ Íslenski boltinn Klopp og Salah rifust á hliðarlínunni Enski boltinn Uppgjörið og viðtöl: Þróttur R. - Valur 1-2 | Amanda heldur áfram að skora Íslenski boltinn Biðst afsökunar á að hafa rætt við West Ham Enski boltinn Stólpagrín gert að Terry vegna stjörnustæla hans Enski boltinn Fleiri fréttir Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu Sjá meira