Umfjöllun, viðtöl og myndir: Keflavík - Haukar 82-67 | Keflavík seig fram úr undir lokin Ingvi Þór Sæmundsson í Laugardalshöll skrifar 8. febrúar 2017 19:30 Keflavíkur-stúlkur fagna eftir leik í kvöld. vísir/vilhelm Keflavík er komið í úrslit Maltbikars kvenna í körfubolta eftir sigur á Haukum, 82-67, í fyrri undanúrslitaleiknum. Keflavík mætir annað hvort Snæfelli eða Skallagrími í úrslitaleiknum á laugardaginn. Haukar byrjuðu leikinn vel og leiddu eftir 1. leikhluta, 18-20. Í 2. leikhluta sýndu Keflvíkingar klærnar, spiluðu góða vörn og voru með yfirburði í frákastabaráttunni. Tíu stigum munaði á liðunum í hálfleik, 45-35. Haukar voru ívið sterkari í 3. leikhluta þar sem þeir héldu Keflavík í aðeins 14 stigum. Í 4. leikhluta voru Keflvíkingar svo mun sterkari á meðan Haukar virtust sprungnir. Liðsheildin hjá Keflavík var gríðarlega sterk en alls skoruðu níu leikmenn liðsins í leiknum. Á meðan skoraði Nashika Williams 37 af 67 stigum Hauka. Á endanum munaði 15 stigum á liðunum, 82-67. Sigurinn var kannski full stór miðað við gang leiksins en Keflvíkingar sýndu styrk sinn þegar á þurfti.Af hverju vann Keflavík? Liðsheild Keflavíkur var sterkari og framlagið í sókninni jafnara en hjá Haukum. Níu leikmenn Keflavíkur komust á blað í leiknum og 26 stig komu frá bekknum. Á meðan skoruðu varamenn Hauka ekki stig og tóku varla skot. Þegar liðin mættust í Domino's deildinni í lok janúar rústuðu Haukar frákastabaráttunni. Annað var uppi á teningnum í dag en Keflavík tók 50 fráköst gegn 35 hjá Haukum. Sóknarfráköst Keflvíkinga voru alls 21 talsins.Bestu leikmenn vallarins: Þótt Williams hafi verið í tapliði bar hún af á vellinum. Hún skilaði 37 stigum og 15 fráköstum og var með frábæra skotnýtingu (58,1%). Þóra Kristín Jónsdóttir, leikstjórnandi Hauka, byrjaði leikinn sérstaklega vel og endaði með sjö stig og 11 stoðsendingar. Ariana Moorer skoraði 20 stig, tók 18 fráköst, gaf sex stoðsendingar og stal fimm boltum í liði Keflavíkur. Skotnýting hennar var hins vegar slök (35,3%). Emelía Ósk Gunnarsdóttir átti einnig skínandi leik; skoraði 18 stig, tók sjö fráköst, gaf fjórar stoðsendingar og stal þremur boltum. Þá átti Katla Rún Garðarsdóttir góða innkomu af bekknum og setti niður þrjá þrista. Það voru lengi vel einu þristar Keflavíkur í leiknum.Tölfræðin sem vakti athygli: Munurinn á framlagi varamanna liðanna var gríðarlegur eins og áður sagði. Haukar fengu ekki stig af bekknum og aðeins fimm leikmenn liðsins komust á blað í leiknum. Þá töpuðu Haukar 15 boltum í seinni hálfleik, þar af tveimur í röð eftir að liðið minnkaði muninn í fjögur stig, 61-57. Keflavík refsaði með fjórum stigum sem var þungur biti að kyngja fyrir Hauka.Hvað gekk illa? Liðin buðu ekki upp á neina flugeldasýningu í sókninni í dag. Keflavík var aðeins með 39% skotnýtingu en miklu munaði að Suðurnesjastelpurnar tóku 13 fleiri skot en Haukar. Hjá Haukum var stigadreifingin alltof ójöfn og engin tók af skarið nema Williams. Hún gerði það sem hún gat en það dugði ekki til gegn sterkri liðsheild Keflavíkur.Sverrir Þór: Ætla að njóta þess að horfa á leikinn Sverrir Þór Sverrisson, þjálfari Keflavíkur, var að vonum sáttur með að vera kominn með sitt lið í úrslitaleik Maltbikarsins eftir sigur á Haukum. „Við áttum fullt af góðum köflum sem við náðum ekki að fylgja eftir. Við hleyptum þeim alltaf aftur inn í leikinn. Þær börðust vel. Það tók langan tíma að komast á sporið,“ sagði Sverrir en Keflavík byrjaði leikinn ekki nógu vel. „Við byrjuðum þetta illa og það var hálfgerður sofandaháttur í liðinu. Á meðan voru Haukarnir grimmari í alla bolta. En svo komu stelpur sterkar inn af bekknum og náðu að vekja hinar.“ Níu leikmenn Keflavíkur skoruðu í leiknum á meðan Nashika Williams skoraði rúman helming stiga Hauka. Sverrir hafði litlar áhyggjur þótt Williams skoraði hverja körfuna á fætur annarri. „Ég var ekkert að hafa áhyggjur af því að hún gerði þetta alltaf sjálf. Ég vildi ekki leggja sérstaka áherslu á að stoppa hana. Hún mátti alveg skora á meðan við stoppuðum hinar. Þetta hefði orðið erfiðara ef við hefðum hleypt hinum inn í leikinn,“ sagði Sverrir. Keflavík vann frákastabaráttuna með 15 eftir að hafa skíttapað henni í deildarleik liðanna á dögunum. „Það skipti máli. Öll barátta skiptir máli. Hún var ekki til staðar í 1. leikhluta en lagaðist eftir því sem leið á,“ sagði Sverrir sem ætlar að njóta þess að horfa á seinni undanúrslitaleikinn þar sem Snæfell og Skallagrímur eigast við. „Mér er alveg sama hvort liðið við fáum. Þau eru ólík. Ég ætla bara að horfa afslappaður á körfuboltaleik og njóta þess að við séum komin í úrslit. Seint í kvöld hefst svo undirbúningurinn hjá okkur þjálfurunum fyrir laugardaginn,“ sagði Sverrir að lokum.Ingvar: Kepptum við þær allan tímann Ingvar Guðjónsson, þjálfari Hauka, var skiljanlega vonsvikinn eftir tap hans stelpna fyrir Keflavík í kvöld. Haukar spiluðu ágætlega lengst af en gáfu eftir á lokasprettinum. „Við kepptum við þær allan tímann og þetta var hörkuleikur langt fram í 4. leikhluta. Við töpuðum boltanum þá klaufalega, þær fengu auðveldar körfur og munurinn jókst. Sjálfstraustið datt niður og munurinn varð óþarflega mikill,“ sagði Ingvar sem var svekktur með töpuðu boltana tvo eftir að Haukar minnkuðu muninn í 61-57. „Það var erfitt að kyngja því að fá þessa töpuðu bolta og körfur í bakið. Trúin dvínaði aðeins eftir það.“ Nashika Williams skoraði rúman helming stiga Hauka en aðeins fimm leikmenn liðsins komust á blað í leiknum. Ingvar saknaði framlags frá fleiri leikmönnum í sókninni. „Okkur vantaði miklu meira framlag frá fleiri leikmönnum. Lykilmenn skoruðu ekki nóg og fleiri leikmenn þurftu að setja stig á töfluna,“ sagði Ingvar. Haukar töpuðu frákastabaráttunni 50-35 sem reyndist dýrt. „Þetta var kannski reynsluleysi og ákveðið stress. Þær gleymdu að stíga út trekk í trekk,“ sagði Ingvar. Íslenski körfuboltinn Mest lesið Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Schauffele heldur forystunni en Tiger langt frá niðurskurðinum Golf Jóhann Berg fer frá Burnley í sumar Enski boltinn Rekinn tveimur dögum eftir bikarmeistaratitilinn Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Klopp myndi kjósa með afnámi VAR Fótbolti Vill komast hjá því að afhenda City bikarinn Enski boltinn Jóhann: Brotnuðum auðveldlega Körfubolti Fleiri fréttir Indiana svaraði fyrir og knúði fram oddaleik Jóhann: Brotnuðum auðveldlega Kristinn: Varnarleikur, varnarleikur og varnarleikur Valsmenn endurheimta Kára á besta tíma Uppgjör, viðtöl og myndir: Valur - Grindavík 89-79 | Valsmenn leiða í baráttunni um titilinn Martin og félagar hófu úrslitakeppnina á stórsigri 92 prósent sigurvegara leiks eitt frá árinu 2011 hafa orðið Íslandsmeistarar „Það helltust yfir mann bara alls konar tilfinningar“ Jafnaði met mömmu sinnar 29 árum síðar Stærsta tap meistara í sögu úrslitakeppninnar „Frábært að ná sigri í fyrsta leik og í svona svakalegum leik“ „Svíður mjög mikið að við séum ekki nógu klókar til að klára“ Uppgjörið og viðtöl: Keflavík - Njarðvík 94-91 | Tvíframlengdur spennutryllir Besti Belginn í Subway deildinni samdi við Hauka Hafa aðeins meiri trú á Keflavík en Njarðvík í úrslitaeinvíginu Feðgar þjálfa Breiðablik: „Gott fyrir okkur báða að vera saman“ Doncic rankaði við sér og Dallas einum sigri frá úrslitum Vestursins Einbeitir sér að því að komast í NBA frekar en að spila með pabba sínum Birna með slitið krossband og missir af úrslitaeinvíginu Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Sjá meira
Keflavík er komið í úrslit Maltbikars kvenna í körfubolta eftir sigur á Haukum, 82-67, í fyrri undanúrslitaleiknum. Keflavík mætir annað hvort Snæfelli eða Skallagrími í úrslitaleiknum á laugardaginn. Haukar byrjuðu leikinn vel og leiddu eftir 1. leikhluta, 18-20. Í 2. leikhluta sýndu Keflvíkingar klærnar, spiluðu góða vörn og voru með yfirburði í frákastabaráttunni. Tíu stigum munaði á liðunum í hálfleik, 45-35. Haukar voru ívið sterkari í 3. leikhluta þar sem þeir héldu Keflavík í aðeins 14 stigum. Í 4. leikhluta voru Keflvíkingar svo mun sterkari á meðan Haukar virtust sprungnir. Liðsheildin hjá Keflavík var gríðarlega sterk en alls skoruðu níu leikmenn liðsins í leiknum. Á meðan skoraði Nashika Williams 37 af 67 stigum Hauka. Á endanum munaði 15 stigum á liðunum, 82-67. Sigurinn var kannski full stór miðað við gang leiksins en Keflvíkingar sýndu styrk sinn þegar á þurfti.Af hverju vann Keflavík? Liðsheild Keflavíkur var sterkari og framlagið í sókninni jafnara en hjá Haukum. Níu leikmenn Keflavíkur komust á blað í leiknum og 26 stig komu frá bekknum. Á meðan skoruðu varamenn Hauka ekki stig og tóku varla skot. Þegar liðin mættust í Domino's deildinni í lok janúar rústuðu Haukar frákastabaráttunni. Annað var uppi á teningnum í dag en Keflavík tók 50 fráköst gegn 35 hjá Haukum. Sóknarfráköst Keflvíkinga voru alls 21 talsins.Bestu leikmenn vallarins: Þótt Williams hafi verið í tapliði bar hún af á vellinum. Hún skilaði 37 stigum og 15 fráköstum og var með frábæra skotnýtingu (58,1%). Þóra Kristín Jónsdóttir, leikstjórnandi Hauka, byrjaði leikinn sérstaklega vel og endaði með sjö stig og 11 stoðsendingar. Ariana Moorer skoraði 20 stig, tók 18 fráköst, gaf sex stoðsendingar og stal fimm boltum í liði Keflavíkur. Skotnýting hennar var hins vegar slök (35,3%). Emelía Ósk Gunnarsdóttir átti einnig skínandi leik; skoraði 18 stig, tók sjö fráköst, gaf fjórar stoðsendingar og stal þremur boltum. Þá átti Katla Rún Garðarsdóttir góða innkomu af bekknum og setti niður þrjá þrista. Það voru lengi vel einu þristar Keflavíkur í leiknum.Tölfræðin sem vakti athygli: Munurinn á framlagi varamanna liðanna var gríðarlegur eins og áður sagði. Haukar fengu ekki stig af bekknum og aðeins fimm leikmenn liðsins komust á blað í leiknum. Þá töpuðu Haukar 15 boltum í seinni hálfleik, þar af tveimur í röð eftir að liðið minnkaði muninn í fjögur stig, 61-57. Keflavík refsaði með fjórum stigum sem var þungur biti að kyngja fyrir Hauka.Hvað gekk illa? Liðin buðu ekki upp á neina flugeldasýningu í sókninni í dag. Keflavík var aðeins með 39% skotnýtingu en miklu munaði að Suðurnesjastelpurnar tóku 13 fleiri skot en Haukar. Hjá Haukum var stigadreifingin alltof ójöfn og engin tók af skarið nema Williams. Hún gerði það sem hún gat en það dugði ekki til gegn sterkri liðsheild Keflavíkur.Sverrir Þór: Ætla að njóta þess að horfa á leikinn Sverrir Þór Sverrisson, þjálfari Keflavíkur, var að vonum sáttur með að vera kominn með sitt lið í úrslitaleik Maltbikarsins eftir sigur á Haukum. „Við áttum fullt af góðum köflum sem við náðum ekki að fylgja eftir. Við hleyptum þeim alltaf aftur inn í leikinn. Þær börðust vel. Það tók langan tíma að komast á sporið,“ sagði Sverrir en Keflavík byrjaði leikinn ekki nógu vel. „Við byrjuðum þetta illa og það var hálfgerður sofandaháttur í liðinu. Á meðan voru Haukarnir grimmari í alla bolta. En svo komu stelpur sterkar inn af bekknum og náðu að vekja hinar.“ Níu leikmenn Keflavíkur skoruðu í leiknum á meðan Nashika Williams skoraði rúman helming stiga Hauka. Sverrir hafði litlar áhyggjur þótt Williams skoraði hverja körfuna á fætur annarri. „Ég var ekkert að hafa áhyggjur af því að hún gerði þetta alltaf sjálf. Ég vildi ekki leggja sérstaka áherslu á að stoppa hana. Hún mátti alveg skora á meðan við stoppuðum hinar. Þetta hefði orðið erfiðara ef við hefðum hleypt hinum inn í leikinn,“ sagði Sverrir. Keflavík vann frákastabaráttuna með 15 eftir að hafa skíttapað henni í deildarleik liðanna á dögunum. „Það skipti máli. Öll barátta skiptir máli. Hún var ekki til staðar í 1. leikhluta en lagaðist eftir því sem leið á,“ sagði Sverrir sem ætlar að njóta þess að horfa á seinni undanúrslitaleikinn þar sem Snæfell og Skallagrímur eigast við. „Mér er alveg sama hvort liðið við fáum. Þau eru ólík. Ég ætla bara að horfa afslappaður á körfuboltaleik og njóta þess að við séum komin í úrslit. Seint í kvöld hefst svo undirbúningurinn hjá okkur þjálfurunum fyrir laugardaginn,“ sagði Sverrir að lokum.Ingvar: Kepptum við þær allan tímann Ingvar Guðjónsson, þjálfari Hauka, var skiljanlega vonsvikinn eftir tap hans stelpna fyrir Keflavík í kvöld. Haukar spiluðu ágætlega lengst af en gáfu eftir á lokasprettinum. „Við kepptum við þær allan tímann og þetta var hörkuleikur langt fram í 4. leikhluta. Við töpuðum boltanum þá klaufalega, þær fengu auðveldar körfur og munurinn jókst. Sjálfstraustið datt niður og munurinn varð óþarflega mikill,“ sagði Ingvar sem var svekktur með töpuðu boltana tvo eftir að Haukar minnkuðu muninn í 61-57. „Það var erfitt að kyngja því að fá þessa töpuðu bolta og körfur í bakið. Trúin dvínaði aðeins eftir það.“ Nashika Williams skoraði rúman helming stiga Hauka en aðeins fimm leikmenn liðsins komust á blað í leiknum. Ingvar saknaði framlags frá fleiri leikmönnum í sókninni. „Okkur vantaði miklu meira framlag frá fleiri leikmönnum. Lykilmenn skoruðu ekki nóg og fleiri leikmenn þurftu að setja stig á töfluna,“ sagði Ingvar. Haukar töpuðu frákastabaráttunni 50-35 sem reyndist dýrt. „Þetta var kannski reynsluleysi og ákveðið stress. Þær gleymdu að stíga út trekk í trekk,“ sagði Ingvar.
Íslenski körfuboltinn Mest lesið Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Schauffele heldur forystunni en Tiger langt frá niðurskurðinum Golf Jóhann Berg fer frá Burnley í sumar Enski boltinn Rekinn tveimur dögum eftir bikarmeistaratitilinn Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Klopp myndi kjósa með afnámi VAR Fótbolti Vill komast hjá því að afhenda City bikarinn Enski boltinn Jóhann: Brotnuðum auðveldlega Körfubolti Fleiri fréttir Indiana svaraði fyrir og knúði fram oddaleik Jóhann: Brotnuðum auðveldlega Kristinn: Varnarleikur, varnarleikur og varnarleikur Valsmenn endurheimta Kára á besta tíma Uppgjör, viðtöl og myndir: Valur - Grindavík 89-79 | Valsmenn leiða í baráttunni um titilinn Martin og félagar hófu úrslitakeppnina á stórsigri 92 prósent sigurvegara leiks eitt frá árinu 2011 hafa orðið Íslandsmeistarar „Það helltust yfir mann bara alls konar tilfinningar“ Jafnaði met mömmu sinnar 29 árum síðar Stærsta tap meistara í sögu úrslitakeppninnar „Frábært að ná sigri í fyrsta leik og í svona svakalegum leik“ „Svíður mjög mikið að við séum ekki nógu klókar til að klára“ Uppgjörið og viðtöl: Keflavík - Njarðvík 94-91 | Tvíframlengdur spennutryllir Besti Belginn í Subway deildinni samdi við Hauka Hafa aðeins meiri trú á Keflavík en Njarðvík í úrslitaeinvíginu Feðgar þjálfa Breiðablik: „Gott fyrir okkur báða að vera saman“ Doncic rankaði við sér og Dallas einum sigri frá úrslitum Vestursins Einbeitir sér að því að komast í NBA frekar en að spila með pabba sínum Birna með slitið krossband og missir af úrslitaeinvíginu Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Sjá meira
Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik