Kylie Jenner er ólétt

Raunveruleikastjarnan og snyrtivöruframleiðandinn Kylie Jenner á von á barni með kærastanum sínum, rapparann Travis Scott, samkvæmt miðlum vestanhafs.

TMZ greindi fyrst frá því fyrr í dag að Jenner hafi byrjað að segja vinum sínum gleðitíðindin í byrjun mánaðarins. Þá hafi Scott einnig nýlega sagt vinum og vandamönnum frá því að parið eigi von á barni.

Jenner, sem er 20 ára og Scott sem er 25 ára hafa verið saman frá byrjun ársins og eru að sögn People himinlifandi með óvæntu viðbótina í fjölskylduna.

Samkvæmt People á Jenner von á sér í febrúar, einungis einum mánuði eftir að systir hennar, Kim Kardashian, á von á sínu þriðja barni.