Tímabilinu lokið hjá Cazorla

Það hefur nú verið staðfest að miðjumaður Arsenal, Santi Cazorla, mun ekki spila meira á þessu tímabili.

Hann hefur ekki spilað síðan í október er hann haltraði af velli í 6-0 sigri Arsenal á Ludogorets í Meistaradeildinni.

Cazorla er illa meiddur á ökkla og meiðslin eru það slæm að búið er að afskrifa hann út tímabilið.

Þessi 32 ára leikmaður kom til Arsenal frá Malaga í ágúst árið 2012. Hann kostaði 16,5 milljónir punda. Hann hefur skorað 29 mörk í 180 leikjum fyrir Arsenal.