Hvað fáum við með veikari ferðaþjónustu? Ásberg Jónsson skrifar 9. maí 2017 11:18 Ríkisstjórnin lítur á vöxt ferðaþjónustunnar sem vandamál. En í stað þess að hefja samtal við greinina um hvernig megi bregðast við er leitað í vitlausustu lausnina. Það á að veikja ferðaþjónustuna, hefta uppbyggingu, koma í veg fyrir fjölgun ferðamanna og skattleggja sig frá vandamálinu með 20 milljarða króna auknum álögum. Með því að fara með alla ferðaþjónustu á Íslandi upp í efra þrep virðisaukaskattsins er þessi atvinnugrein líklega komin með hæstu skatta í heimi. Skattprósentan hjá Dönum er örlítið hærri, en þeir veita erlendum aðilum umfangsmikla skattafslætti. Engin greining hefur verið gerð í fjármálaráðuneytinu á áhrifum þessarar skattahækkunar á umsvifamestu atvinnugrein landsins. Ljóst má vera að hún mun veikja hana til muna. Er ríkisstjórnin virkilega að leita eftir því?Ferðaþjónusta hefur aukið hagsæld Fyrir aðila sem hefur starfað í ferðaþjónustu í 15 ár er sorglegt að upplifa þekkingarleysi ráðamanna á greininni og þjóðhagslegu mikilvægi hennar. Fullyrðingar ráðandi aðila í þjóðfélaginu um að greinin þurfi að fara að skila til baka til samfélagsins í samræmi við aðrar atvinnugreinar, eru byggðar á röngum forsendum. • Ferðaþjónustan er eina útflutningsgreinin sem skilar ríkissjóði virðisaukaskatti. Aðrar útflutningsgreinar, þar á meðal sjávarútvegur og stóriðja, eru á fullri undanþágu frá virðisaukaskatti og fá endurgreiddan allan virðisauka af aðföngum og skila því neikvæðum virðisauka til samfélagsins. • Ferðaþjónustan mun skila á bilinu 80-90 milljarða króna árið 2017 til ríkissjóðs. Til viðbótar við þessa upphæð eru umtalsverðar óbeinar skattgreiðslur sem koma til vegna innflæðis gjaldeyris, fjárfestinga og aðkeyptrar þjónustu greinarinnar. • Ferðaþjónustan bjargaði landinu út úr alvarlegri efnahagslægð, skapaði grunn að hagvexti síðustu ára og kom okkur í þá stöðu að hér á landi er ein mesta hagsæld í heiminum. • Með auknum gjaldeyristekjum sem greinin skapar hafa stjórnvöld getað lækkað skuldir ríkissjóðs og aflétt gjaldeyrishöftum. Með innflæði gjaldeyris hefur greinin stuðlað að styrkingu íslensku krónunnar sem hefur þá haldið aftur af verðbólgu. Með styrkingu krónunnar hafa launahækkanir síðustu ára skilað sér í vasa launamanna en ekki brunnið á báli verðbólgu. • Þökk sé nýjum störfum sem greinin hefur skapað innan og utan greinarinnar um land allt, er atvinnuleysi hér á landi í lágmarki og íbúum fjölgar á landsbyggðinni eftir áratuga hnignun og samdrátt.Tekjur ferðaþjónustu dragast saman Þó svo ferðamönnum sé enn að fjölga, þá hafa tekjur verið að dragast saman í íslenskum krónum undanfarin misseri vegna minnkandi sölu ferða til Breta, Frakka og Þjóðverja. Neysluhegðun ferðamanna er að breytast. Þeir dvelja skemur og eyða færri krónum hér á landi. Vegna gengisstyrkingar, aukinna skatta á greinina síðustu árin, vaxtakostnaðar og launahækkana er Ísland líklega orðið dýrasta land í heimi heim að sækja. Það er um 50% ódýrara að ferðast um Skotland og 40% ódýrara að ferðast um Noreg. Rekstrarumhverfi greinarinnar er orðið verulega krefjandi og það sem ég hef kallað góðæri fyrir alla er búið. Nú þegar er þörf á hagræðingu í greininni og fyrirtækjum mun fækka.Er þetta það sem við viljum? Þannig að ég spyr: Er raunverulega þörf á því að stíga fast á bremsuna í þessu óvissa rekstrarumhverfi? Erum við sem samfélag til í að taka þá áhættu sem fylgir þessari miklu skattahækkun? Er það vilji okkar að bregða fæti fyrir öll þau stóru og smáu fyrirtæki sem hafa byggt upp ferðaþjónustu og skapað mikil verðmæti fyrir íslenskt samfélag? Veik ferðaþjónusta þýðir veikari króna; veikari króna þýðir meiri verðbólga; meiri verðbólga þýðir lægri ráðstöfunartekjur heimila og hækkun skulda. Viltu birta grein á Vísi? Sendu okkur póst. Senda grein Mest lesið Halldór 01.06.2024 Halldór Má Katrín Jakobsdóttir bjóða sig fram? Jón Ólafsson Skoðun Svona getum komið í veg fyrir að Katrín vinni Björn B. Björnsson Skoðun Hvort vilt þú Höllu Tómasdóttur eða Katrínu? Björn Björnsson Skoðun Ástþór Magnússon í spádómum? Gunnar Karl Halldórsson Skoðun Yfirtaka orðræðunnar (e. hijacking) Sóley Tómasdóttir Skoðun Hatur og fyrirlitning Einar Scheving Skoðun Halla Tómasdóttir og Sólskinsdrengurinn Margrét Dagmar Ericsdóttir Skoðun Persónan Katrín Jakobsdóttir Sólveig Hildur Björnsdóttir Skoðun Barnapíu á Bessastaði! Karl Sigurðsson Skoðun Skoðun Skoðun Ég kýs Michael Jordan (Höllu Hrund Logadóttur) Óskar Arnarson skrifar Skoðun Ástæður til að kjósa Jón Gnarr Helgi Hrafn Gunnarsson skrifar Skoðun Viddi, Bósi Ljósár og Baldur Þórhalls Heimir Hannesson skrifar Skoðun Gerum það! Stefán Hilmarsson skrifar Skoðun Bónaður brjóstkassi og barnaafmæli Þorbjörg Marínósdóttir skrifar Skoðun Gleðilegan kosningadag kæru landsmenn Snorri Ásmundsson skrifar Skoðun Hæfasti einstaklingurinn Hjörtur J. Guðmundsson skrifar Skoðun Verðmætin og sköpunarkraftur sá sem í mannauð okkar býr Pétur Már Halldórsson skrifar Skoðun Hvort vilt þú Höllu Tómasdóttur eða Katrínu? Björn Björnsson skrifar Skoðun Svona velur þú þér forseta í dag Kolbeinn Karl Kristinsson skrifar Skoðun Takk, Katrín Guðrún Hrefna Guðmundsdóttir skrifar Skoðun Hatur og fyrirlitning Einar Scheving skrifar Skoðun Samherjar Hafþór Reynisson skrifar Skoðun Að hitta hetjuna sína Gréta Kristín Ómarsdóttir skrifar Skoðun Einstakt tækifæri Þóra Valný Yngvadóttir skrifar Skoðun Um afrekskonuna Katrínu Tómas Ísleifsson skrifar Skoðun Land míns föður, land minnar móður, landið mitt Jón Gnarr skrifar Skoðun Óskað eftir forseta sem færir ungu fólki völd Valgerður Eyja Eyþórsdóttir skrifar Skoðun Með ósk um velgengni, Halla Hrund Viðar Hreinsson skrifar Skoðun Ég styð Höllu Hrund Logadóttur Þórólfur Árnason skrifar Skoðun Arnar Þór Jónsson Meyvant Þórólfsson skrifar Skoðun Að skreyta sig með stolnum fjöðrum Sema Erla Serdaroglu skrifar Skoðun Opið bréf til Jóns Ólafssonar heimspekings Tómas Ísleifsson skrifar Skoðun Persónan Katrín Jakobsdóttir Sólveig Hildur Björnsdóttir skrifar Skoðun Þjóðaröryggi Magnús Guðmundsson skrifar Skoðun Tóbak markaðssett fyrir ungt fólk Guðlaug B. Guðjónsdóttir skrifar Skoðun Forsetinn, NATÓ, ýsan og blokkin Guðfinnur Sigurvinsson skrifar Skoðun „Svona er á síld“ Stefán Hilmarsson skrifar Skoðun Aldrei hitta hetjurnar þínar Skarphéðinn Guðmundsson skrifar Skoðun Yfirtaka orðræðunnar (e. hijacking) Sóley Tómasdóttir skrifar Sjá meira
Ríkisstjórnin lítur á vöxt ferðaþjónustunnar sem vandamál. En í stað þess að hefja samtal við greinina um hvernig megi bregðast við er leitað í vitlausustu lausnina. Það á að veikja ferðaþjónustuna, hefta uppbyggingu, koma í veg fyrir fjölgun ferðamanna og skattleggja sig frá vandamálinu með 20 milljarða króna auknum álögum. Með því að fara með alla ferðaþjónustu á Íslandi upp í efra þrep virðisaukaskattsins er þessi atvinnugrein líklega komin með hæstu skatta í heimi. Skattprósentan hjá Dönum er örlítið hærri, en þeir veita erlendum aðilum umfangsmikla skattafslætti. Engin greining hefur verið gerð í fjármálaráðuneytinu á áhrifum þessarar skattahækkunar á umsvifamestu atvinnugrein landsins. Ljóst má vera að hún mun veikja hana til muna. Er ríkisstjórnin virkilega að leita eftir því?Ferðaþjónusta hefur aukið hagsæld Fyrir aðila sem hefur starfað í ferðaþjónustu í 15 ár er sorglegt að upplifa þekkingarleysi ráðamanna á greininni og þjóðhagslegu mikilvægi hennar. Fullyrðingar ráðandi aðila í þjóðfélaginu um að greinin þurfi að fara að skila til baka til samfélagsins í samræmi við aðrar atvinnugreinar, eru byggðar á röngum forsendum. • Ferðaþjónustan er eina útflutningsgreinin sem skilar ríkissjóði virðisaukaskatti. Aðrar útflutningsgreinar, þar á meðal sjávarútvegur og stóriðja, eru á fullri undanþágu frá virðisaukaskatti og fá endurgreiddan allan virðisauka af aðföngum og skila því neikvæðum virðisauka til samfélagsins. • Ferðaþjónustan mun skila á bilinu 80-90 milljarða króna árið 2017 til ríkissjóðs. Til viðbótar við þessa upphæð eru umtalsverðar óbeinar skattgreiðslur sem koma til vegna innflæðis gjaldeyris, fjárfestinga og aðkeyptrar þjónustu greinarinnar. • Ferðaþjónustan bjargaði landinu út úr alvarlegri efnahagslægð, skapaði grunn að hagvexti síðustu ára og kom okkur í þá stöðu að hér á landi er ein mesta hagsæld í heiminum. • Með auknum gjaldeyristekjum sem greinin skapar hafa stjórnvöld getað lækkað skuldir ríkissjóðs og aflétt gjaldeyrishöftum. Með innflæði gjaldeyris hefur greinin stuðlað að styrkingu íslensku krónunnar sem hefur þá haldið aftur af verðbólgu. Með styrkingu krónunnar hafa launahækkanir síðustu ára skilað sér í vasa launamanna en ekki brunnið á báli verðbólgu. • Þökk sé nýjum störfum sem greinin hefur skapað innan og utan greinarinnar um land allt, er atvinnuleysi hér á landi í lágmarki og íbúum fjölgar á landsbyggðinni eftir áratuga hnignun og samdrátt.Tekjur ferðaþjónustu dragast saman Þó svo ferðamönnum sé enn að fjölga, þá hafa tekjur verið að dragast saman í íslenskum krónum undanfarin misseri vegna minnkandi sölu ferða til Breta, Frakka og Þjóðverja. Neysluhegðun ferðamanna er að breytast. Þeir dvelja skemur og eyða færri krónum hér á landi. Vegna gengisstyrkingar, aukinna skatta á greinina síðustu árin, vaxtakostnaðar og launahækkana er Ísland líklega orðið dýrasta land í heimi heim að sækja. Það er um 50% ódýrara að ferðast um Skotland og 40% ódýrara að ferðast um Noreg. Rekstrarumhverfi greinarinnar er orðið verulega krefjandi og það sem ég hef kallað góðæri fyrir alla er búið. Nú þegar er þörf á hagræðingu í greininni og fyrirtækjum mun fækka.Er þetta það sem við viljum? Þannig að ég spyr: Er raunverulega þörf á því að stíga fast á bremsuna í þessu óvissa rekstrarumhverfi? Erum við sem samfélag til í að taka þá áhættu sem fylgir þessari miklu skattahækkun? Er það vilji okkar að bregða fæti fyrir öll þau stóru og smáu fyrirtæki sem hafa byggt upp ferðaþjónustu og skapað mikil verðmæti fyrir íslenskt samfélag? Veik ferðaþjónusta þýðir veikari króna; veikari króna þýðir meiri verðbólga; meiri verðbólga þýðir lægri ráðstöfunartekjur heimila og hækkun skulda.