„Ég get núna sagt að ég hitti hinn eina, sanna Captain Kirk” Lilja Katrín Gunnarsdóttir skrifar 7. desember 2017 19:30 Sveinn og Shatner í góðum gír. Mynd / Úr einkasafni „Shatner var hið mesta yndi og rosa hress miðað við að hann er orðinn 86 ára gamall. Sviðsframkoma hans er eitthvað sem fólk verður að upplifa sjálft á meðan hann er enn fær um að koma fram,“ segir Sveinn Ólafur Lárusson, verslunarstjóri Nexus. Sveinn brá sér ráðstefnuna For the Love of Sci-fi sem haldin var í Manchester á Englandi fyrir stuttu með eiginkonu sinni, Katrínu Hólm Árnadóttur. Ráðstefnan er, eins og nafnið gefur til kynna, Mekka aðdáenda Sci-fi um heim allan. Margar stórstjörnur sóttu ráðstefnuna og datt Sveinn svo sannarlega í lukkupottinn þegar hann hitti og spjallaði við leikarann William Shatner sem er hvað þekktastur fyrir að leika Captain Kirk í Star Trek. „Karlinn er bráðsnjall og fullur af skemmtilegum sögum. Það var mjög sérstök upplifun að tala við hann á einni af uppákomunum á ráðstefnunni,“ segir Sveinn um Shatner og heldur áfram. Þeir félagarnir höfðu um margt að tala.Vísir / Úr einkasafni „Við sátum og ræddum ást mína og hans á Star Trek, sem er mikil, Ísland og þá aðallega íslenska víkinga, sem hann var nýkominn með bók um og spyrði hann mig álitis á þeirri bók. Ég var auðvitað svo stressaður og uppfullur af aðdáun að ég gat ekki annað en bara brosað og mælti með að hann skyldi koma til Íslands og kynnast landi og þjóð, sem hann hyggst gera. Ég fékk svo nokkrar góðar myndir með honum, kvaddi hann með kröftugu handabandi og lenti svo í því að staldra lengur hjá honum og taka myndir af honum með öðru fólki. Hann vildi bara hafa mig með sem ljósmyndara á svæðinu en það var allt í gamni,“ segir Sveinn og hlær, enn í skýjunum eftir ráðstefnuna. „Ég get núna sagt að ég hitti hinn eina, sanna Captain Kirk sem gladdi mig og konu mína mikið.“ Ströng gæsla á ráðstefnunni.Vísir / Úr einkasafni Alæta á vísindaskáldskap Sveinn hefur lengi dýrkað William Shatner, ekki eingöngu úr Star Trek. „Ég hef ávallt haldið upp á William Shatner þar sem ég er forfallinn Star Trek-aðdáandi. Captain Kirk er minn kafteinn og finnst mér eldri seríurnar af Star Trek með skemmtilegri sjónvarpseríum frá þessu tímabili, þá aðallega hversu framúrstefnulegar þær voru í framtíðarhugsun og framleiðslu. Ef mig vantar eitthvað létt og ljúft að horfa á eða hafa í gangi á meðan ég er að dunda mér heima fyrir þá set ég klassískan Star Trek-þátt í gang. Ég geri ekki uppá milli Star Wars, Star Trek, Original Series eða Next Generation, Kirk vs. Picard, ég er alæta á vísindaskáldskap og þetta eru allt hetjur mínar. En Willim Shatner stendur smá uppúr, enda hefur hann einnig farið á kostum í öðrum hlutverkum. Hver man ekki eftir T.J. Hooker og Danny Crane?“ segir Sveinn. Ekki amalegt að hitta þessa stórstjörnu.Mynd / Úr einkasafni Hitti líka Hasselhoff og Lundgren Sveinn hefur farið á margar ráðstefnur í gegnum tíðina vegna vinnu sinnar en hann hefur verið verslunarstjóri Nexus í áratug. For the Love of Sci-fi er þó fyrsta ráðstefnan sem hann fer á sem er stjörnum prýdd, og fékk hann að hitta fleiri stórstjörnur en Shatner. „Ég ákvað að gerast djarfur og fá mér svona „All access“-miða á ráðstefnuna sem gerði mér kleift að hitta nokkrar stjörnur sem voru þarna á „Meet and great”-uppákomum. Það var ekki amalegur hópur sem var þarna, allt frá stórstjörnum á borð við David Hasselhoff, William Shatner, Dolph Lundgren, Ernie Huddson, til stjarna sem eru þekktar í kvikmyndum og sjónvarpsþáttum eins og Billy Dee Williams (Lando í Star Wars), Casper Van Dien (Starshiptroopers), Zack Galligan (Gremlins) og Ian McDiarmid (Emperor Palpatine í Star Wars),“ segir Sveinn, en hann átti gott spjall við bæði Casper Van Dien og Zack Galligan. „Þeir hafa báðir komið til Íslands og vonandi ef allt gengur upp munu þeir hugsanlega heimsækja okkur aftur á einhvern viðburð sem haldinn verður í Reykjavík á næsta ári. Ég segi ekki meira um það,“ segir Sveinn, en hann skipuleggur nú fyrstu aðdáendaráðstefnuna á Íslandi sem heitir MIDGARD 2018, ásamt öðrum. „Það er „All-inclusive fan convention“. Við munum bjóða uppá svipaða stemningu sem fyrirfinnst á slíkum ráðstefnum erlendis. Þarna verða í boði viðburðir og kynning á tölvuleikjum, spilum, bókmenntum, búningagerð, varningur, gestir tengdir kvikmyndum, myndasögum, sjónarpsþáttum og fleira af þessu tagi,“ segir Sveinn. MIDGARD 2018 verður haldin helgina 15.-16. september í Laugardalshöll og er nú þegar búið að tilkynna nokkra gesti. „Við erum nú þegar búin að kynna nokkara gesti, til dæmis Dan Abnett, rithöfund, Brian Muir, Star Wars-búningahönnuð og Nick Jameson, raddleikara. Þessi hópur á bara eftir að stækka og vona ég að ferð mín til Manchester á For the Love of Sci-fi muni bera ávöxt sem mun kæta alla sem ætla að mæta á MIDGARD 2018.“ Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið „Býr ekki lítil kerling innra með okkur öllum?“ Lífið Fleiri fréttir „Býr ekki lítil kerling innra með okkur öllum?“ Davíð Helgason og Isabella eignuðust dreng „Ef við erum lausnamiðuð þá sköpum við tækifærin“ Krakkatían: Forsetaefni, Disney og tónlist Klæddu sig upp sem frambjóðendur Myndaveisla: Rosaleg stemming í kosningavökunum Tvöföld veisla hjá Gnarr feðgum Ofboðslega stolt af dóttur sinni Bannaði Snorra að kjósa Arnar Þór „Nú er þessi sprettur á enda“ Kosningavökur frambjóðenda: Hvar verða mestu fagnaðarlætin? Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Sjá meira
„Shatner var hið mesta yndi og rosa hress miðað við að hann er orðinn 86 ára gamall. Sviðsframkoma hans er eitthvað sem fólk verður að upplifa sjálft á meðan hann er enn fær um að koma fram,“ segir Sveinn Ólafur Lárusson, verslunarstjóri Nexus. Sveinn brá sér ráðstefnuna For the Love of Sci-fi sem haldin var í Manchester á Englandi fyrir stuttu með eiginkonu sinni, Katrínu Hólm Árnadóttur. Ráðstefnan er, eins og nafnið gefur til kynna, Mekka aðdáenda Sci-fi um heim allan. Margar stórstjörnur sóttu ráðstefnuna og datt Sveinn svo sannarlega í lukkupottinn þegar hann hitti og spjallaði við leikarann William Shatner sem er hvað þekktastur fyrir að leika Captain Kirk í Star Trek. „Karlinn er bráðsnjall og fullur af skemmtilegum sögum. Það var mjög sérstök upplifun að tala við hann á einni af uppákomunum á ráðstefnunni,“ segir Sveinn um Shatner og heldur áfram. Þeir félagarnir höfðu um margt að tala.Vísir / Úr einkasafni „Við sátum og ræddum ást mína og hans á Star Trek, sem er mikil, Ísland og þá aðallega íslenska víkinga, sem hann var nýkominn með bók um og spyrði hann mig álitis á þeirri bók. Ég var auðvitað svo stressaður og uppfullur af aðdáun að ég gat ekki annað en bara brosað og mælti með að hann skyldi koma til Íslands og kynnast landi og þjóð, sem hann hyggst gera. Ég fékk svo nokkrar góðar myndir með honum, kvaddi hann með kröftugu handabandi og lenti svo í því að staldra lengur hjá honum og taka myndir af honum með öðru fólki. Hann vildi bara hafa mig með sem ljósmyndara á svæðinu en það var allt í gamni,“ segir Sveinn og hlær, enn í skýjunum eftir ráðstefnuna. „Ég get núna sagt að ég hitti hinn eina, sanna Captain Kirk sem gladdi mig og konu mína mikið.“ Ströng gæsla á ráðstefnunni.Vísir / Úr einkasafni Alæta á vísindaskáldskap Sveinn hefur lengi dýrkað William Shatner, ekki eingöngu úr Star Trek. „Ég hef ávallt haldið upp á William Shatner þar sem ég er forfallinn Star Trek-aðdáandi. Captain Kirk er minn kafteinn og finnst mér eldri seríurnar af Star Trek með skemmtilegri sjónvarpseríum frá þessu tímabili, þá aðallega hversu framúrstefnulegar þær voru í framtíðarhugsun og framleiðslu. Ef mig vantar eitthvað létt og ljúft að horfa á eða hafa í gangi á meðan ég er að dunda mér heima fyrir þá set ég klassískan Star Trek-þátt í gang. Ég geri ekki uppá milli Star Wars, Star Trek, Original Series eða Next Generation, Kirk vs. Picard, ég er alæta á vísindaskáldskap og þetta eru allt hetjur mínar. En Willim Shatner stendur smá uppúr, enda hefur hann einnig farið á kostum í öðrum hlutverkum. Hver man ekki eftir T.J. Hooker og Danny Crane?“ segir Sveinn. Ekki amalegt að hitta þessa stórstjörnu.Mynd / Úr einkasafni Hitti líka Hasselhoff og Lundgren Sveinn hefur farið á margar ráðstefnur í gegnum tíðina vegna vinnu sinnar en hann hefur verið verslunarstjóri Nexus í áratug. For the Love of Sci-fi er þó fyrsta ráðstefnan sem hann fer á sem er stjörnum prýdd, og fékk hann að hitta fleiri stórstjörnur en Shatner. „Ég ákvað að gerast djarfur og fá mér svona „All access“-miða á ráðstefnuna sem gerði mér kleift að hitta nokkrar stjörnur sem voru þarna á „Meet and great”-uppákomum. Það var ekki amalegur hópur sem var þarna, allt frá stórstjörnum á borð við David Hasselhoff, William Shatner, Dolph Lundgren, Ernie Huddson, til stjarna sem eru þekktar í kvikmyndum og sjónvarpsþáttum eins og Billy Dee Williams (Lando í Star Wars), Casper Van Dien (Starshiptroopers), Zack Galligan (Gremlins) og Ian McDiarmid (Emperor Palpatine í Star Wars),“ segir Sveinn, en hann átti gott spjall við bæði Casper Van Dien og Zack Galligan. „Þeir hafa báðir komið til Íslands og vonandi ef allt gengur upp munu þeir hugsanlega heimsækja okkur aftur á einhvern viðburð sem haldinn verður í Reykjavík á næsta ári. Ég segi ekki meira um það,“ segir Sveinn, en hann skipuleggur nú fyrstu aðdáendaráðstefnuna á Íslandi sem heitir MIDGARD 2018, ásamt öðrum. „Það er „All-inclusive fan convention“. Við munum bjóða uppá svipaða stemningu sem fyrirfinnst á slíkum ráðstefnum erlendis. Þarna verða í boði viðburðir og kynning á tölvuleikjum, spilum, bókmenntum, búningagerð, varningur, gestir tengdir kvikmyndum, myndasögum, sjónarpsþáttum og fleira af þessu tagi,“ segir Sveinn. MIDGARD 2018 verður haldin helgina 15.-16. september í Laugardalshöll og er nú þegar búið að tilkynna nokkra gesti. „Við erum nú þegar búin að kynna nokkara gesti, til dæmis Dan Abnett, rithöfund, Brian Muir, Star Wars-búningahönnuð og Nick Jameson, raddleikara. Þessi hópur á bara eftir að stækka og vona ég að ferð mín til Manchester á For the Love of Sci-fi muni bera ávöxt sem mun kæta alla sem ætla að mæta á MIDGARD 2018.“
Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið „Býr ekki lítil kerling innra með okkur öllum?“ Lífið Fleiri fréttir „Býr ekki lítil kerling innra með okkur öllum?“ Davíð Helgason og Isabella eignuðust dreng „Ef við erum lausnamiðuð þá sköpum við tækifærin“ Krakkatían: Forsetaefni, Disney og tónlist Klæddu sig upp sem frambjóðendur Myndaveisla: Rosaleg stemming í kosningavökunum Tvöföld veisla hjá Gnarr feðgum Ofboðslega stolt af dóttur sinni Bannaði Snorra að kjósa Arnar Þór „Nú er þessi sprettur á enda“ Kosningavökur frambjóðenda: Hvar verða mestu fagnaðarlætin? Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Sjá meira