Sjáðu skotsýningu Arons í bronsleiknum | Myndband

Aron Pálmarsson átti frábæran leik þegar Veszprém bar sigurorð af Barcelona, 34-30, í bronsleik Meistaradeildar Evrópu í handbolta í dag.



Aron skoraði átta mörk úr aðeins 10 skotum og var markahæstur á vellinum.

Aron skoraði alls níu mörk í leikjunum tveimur á úrslitahelgi Meistaradeildarinnar en hann gerði eitt mark í tapinu fyrir Paris Saint-Germain í gær. Hann dældi hins vegar út stoðsendingum í þeim leik.

Aron skoraði alls 52 mörk í Meistaradeildinni í vetur en hann er sérstaklega öflugur á úrslitahelginni og í leikjunum gegn Montpellier í 8-liða úrslitunum.

Í spilaranum hér að ofan má sjá öll átta mörkin sem Aron skoraði í bronsleiknum í dag.