Körfubolti

Georgía verður í kvöld fyrsta konan sem dæmir í efstu deild karla

Óskar Ófeigur Jónsson skrifar
Georgía Olga Kristiansen.
Georgía Olga Kristiansen. Mynd/Heiða
Georgía Olga Kristiansen mun í kvöld brjóta blað í sögu körfuknattleiks á Íslandi þegar hún verður fyrst kvenna til að dæma leik í efstu deild karla eða Domino´s deildinni.

Georgía dæmir leik Vals og Tindastóls í Valshöllinni á Hlíðarenda en leikurinn í 2. umferð Domino´s deildar karla. Meðdómarar hennar verða þeir Jón Guðmundsson og Leifur Garðarsson.

„Er þetta mikið gleðiefni fyrir körfuknattleik á Íslandi og hvetur KKÍ fleiri konur til að taka að sér störf í dómgæslu sem og önnur störf innan íþróttahreyfingarinnar,“ segir í fréttatilkynningu frá KKÍ.

Georgía Olga Kristiansen er þó ekki að dæma hjá karlaliðum í fyrsta sinn því hún hefur dæmt leiki í bikarnum og í neðri deildum.








Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.