Icardi hetja Inter í borgarslagnum

Argentínski landsliðsmaðurinn Mauro Icardi var hetja Inter í Mílanóborgarslagnum sem lauk rétt í þessum með 3-2 sigri Inter en Icardi skoraði öll þrjú mörk Inter í leiknum.

Kom hann Inter í tvígang yfir en Suso jafnaði metin í fyrra skiptið með snyrtilegu skoti. Eftir annað mark Icardi jafnaði Giacomo Bonaventura metin fyrir AC Milan á 81. mínútu.

Icardi var þó ekki hættur en hann bætti við þriðja marki Inter og tryggði þeim um leið sigurinn af vítapunktinum undir lok venjulegs leiktíma.

Með sigrinum komst Inter eitt og sér upp í annað sæti ítölsku deildarinnar með 22 stig, tveimur stigum á eftir toppliði Napoli.